މިއުޒިކް ކުޅެގެން ލިބިފައިވަނީ ވަގުތީ ހިތްހަމަޖެހުމަކާއި ދާއިމީ ނުތަނަވަސްކަން ކަމަށް، މިހާރު ލަވަކިޔުން ހުއްޓާލާފައިވާ ކުރީގެ ލަވަކިޔުންތެރިޔާ އަލީ ރަމީޒު ބުނެފިއެވެ.
އަލީ ރަމީޒުގެ ޓްވިޓާގައި ބުނެފައިވާ ގޮތުގައި، ވަގުތީ ހިތްހަމަޖެހުމަކާއި ދާއިމީ ނުތަނަވަސްކަން ނޫން ކަމެއް މިއުޒިކް އިން އޭނާއަށް ތަޖުރިބާކުރެވިފައި ނުވާ ކަމަށެވެ.
ރާއްޖޭގައި އެންމެ ބޮޑަށް ވިދާލި އެއް ލަވަކިއުންތެރިޔާ އަލީ ރަމީޒު ވަގުތީ ގޮތުން ލަވަކިއުން ހުއްޓާލިކަން އިއުލާން ކޮށްފައިވަނީ 2002 ވަނަ އަހަރުގެ ތެރޭގައެވެ. އޭގެ 3 އަހަރުފަހުން ލަވަކިއުންތެރިޔަކަށް ވެވުނީތީ ވަރަށް ބޮޑަށް ހިތާމަކުރާ ކަމަށާއި، ދުވަހަކު ވެސް ދެން ލަވަނުކިޔާނ ކަމަށް ބުނެ އަލީ ރަމީޒު ވަނީ ލަވަކިޔުން ހުއްޓާލިކަން އިއުލާންކޮށްފައެވެ.
ލަވަކިޔުން ހުއްޓާލުމަށް ފަހު އަލީ ރަމީޒު ވަނީ މަދަހަ ސީޑީތަކެއް ވެސް ނެރެފައެވެ.
މިހާރު އަލީ ރަމީޒު މަސައްކަތް ކުރަނީ ދީނީ ހޭލުންތެރިކަން އިތުރުކުރުމަށް މަސައްކަތް ކުރާ ޖަމިއްޔަތުއް ސަލަފްގެ އޮޕަރޭޝަންސް މެނޭޖަރ އެއްގެ ގޮތުގައެވެ. އެ ޖަމިއްޔާގެ ފަރާތުން ދީނީ ހޭލުންތެރިކަން އިތުރުކުރުމަށް ހިންގާ ޕްރޮގްރާމްތަކުގައި އަލީ ރަމީޒު ގެންދަނީ އަމަލީ ގޮތުން ވެސް ބައިވެރިވަމުންނެވެ.