ގދ. ތިނަދޫ އިންޖީނުގޭގައި ހިނގި އަލިފާނުގެ ހާދިސާއަށް ފަހު މުޅި ރަށުން ކަރަންޓު ކަނޑައިގެން ގޮސްފައިވާއިރު އެރަށުގައ އުއްބައްތީގެ އަގު ވަރަށް ބޮޑަށް އުފުލިއްޖެއެވެ.
ތިނަދޫގައި ހުރި 'އައްޑޫލައިވް'ގެ ކޮރަސްޕޮންޑެންޓް ބުނި ގޮތުގައި، މިހާރު އެރަށުގައި އުއްބަތިއެއްގެ އަގު ހުރީ 10 ރުފިޔާ އާއި 15 ރުފިޔާ އާއި ދެމެދުގެ އަގުތަކެއްގައެވެ.
އުއްބައްތީގެ އަގު އިންތިހާއަށް މައްޗަށް ގޮސްފައިވާއިރު، އެރަށުގެ ފިހާރަތަކުން ކަރާސީނު ތެޔޮ ވަނީ ހުސްވެފައެވެ.
މައުލޫމާތު ލިބިފައިވާ ގޮތުގައި ތިނަދޫގައި ހުރި ސަރުކާރުގެ ސްކޫލްތަކުން މިހާރު ގެންދަނީ ރައްޔިތުންނަށް ހިލޭ ތެޔޮ ފޯރުކޮށްދެމުންނެވެ.
މީގެ އިތުރުން ދިރާގުން ވެސް ގެންދަނީ ތިނަދޫގެ ރައްޔިތުންނަށް ބޯފެން ފޯރުކޮށްދިނުމުގެ އިތުރުން ފޯނުތައް ޗާޖު ކޮށްދިނުމުގެ ޚިދުމަތްވެސް ދެމުންނެވެ.