ކުޑަކުދިންގެ ކަރާމާތް ގެއްލޭފަދަ ގޮތަކަށް ބޭއަދަބީ ބަހުރުވައިން ފޭސްބުކް މެދުވެރިކޮށް ކުއްޖަކާ ވާހަކަ ދެއްކި، ސ.ފޭދޫ މީހަކު ހޯދަން ފުލުހުން އިއުލާނުކޮށްފި އެވެ.
މި މައްސަލާގައި ހޯދަން އިއުލާނުކޮށްފައި ވަނީ ސ. ފޭދޫ، ވިންޑްސްކްރީން، އިސްމާއިލް މާހިރު، 30، އެވެ.
މި މައްސަލައާ ބެހޭ ތަފްސީލެއް ފުލުހުން ހާމަކޮށްފައެއް ނުވެ އެވެ.
މި މީހާއާ ބެހޭ އެއްވެސް މައުލޫމާތެއް ލިބިފައިވާ ނަމަ އެ ސ. ހިތަދޫ ޕޮލިސް ސްޓޭޝަންގެ ނަމްބަރު 9796549 ނުވަތަ މޯލްޑިވްސް ޕޮލިސް ސާވިސްގެ ހޮޓްލައިން ނަމްބަރު 3322111 އަށް ގުޅައި އެކަން އެންގުމަށް ފުލުން ވަނީ އެދިފަ އެވެ.