14 ފަހަރު ގްރޭންޑް ސްލޭމް ޗެމްޕިއަން ރަފައެލް ނަޑާލް ސެމީގައި އަނެއްކާވެސް ބަލިވެއްޖެއެވެ. އޭނާގެ 100 ވަނަ އޭޓީޕީ ފައިނަލުގައި މޮޅުވުމުގެ ފުރަސަތު ނަޑާލް އަށް ގެއްލުނުއިރު މިމެޗުގައި އުރުގުއޭގެ ޕަބްލޯ ކުއެވެސް އަތުން އޭނާ ބަލިވެފައިވަނީ ސީދާ ތިން ސެޓުންނެވެ.
ދުނިޔޭގެ ރޭންކިންގެ 45 ވަނައިގައި އޮތް ޕަބްލޯ ކުއެވެސް އަތުން ބަލިވުމާއި ގުޅިގެން ނަދާލް ބުނެފައިވަނީ ޖެހިޖެހިގެން ދެ މުބާރާތުން ތައްޓެއް ނުލިބުމަކީ ވަރަށް ބޮޑު ނާކާމިޔާބީއެއް ކަމަށެވެ. ނަމަވެސް ކުރިއަށް އޮތް މުބާރާތްތަކަށް އިތުރަށް މަސައްކަތް ކޮށް އޭނާގެ ގެއްލިފައިވާ ފޯމް އަނބުރާ ގެންނާނެ ކަމަށެވެ.
އޮސްޓްރޭލިއަން އޯޕަންގައި މިސީޒަނުގައި ފުރަތަމަ ނަޑާލް ބަލިވެފައިވާއިރު މިފަހަރު ބަލިވެފައިވަނީ ރިއޯ އޯޕަންގެ ސެމީ ފައިނަލުގައެވެ.
މިމެޗުން މޮޅުވި ޕަބްލޯ ފައިނަލުގައި ނިކުންނާނީ ގުއިޑޯ ޕެލާ އާ ދެކޮޅަށެވެ.