ރާއްޖޭގައި މިހާތަނަށް ފެންމަތިވި އެންމެ ބޮޑު ކަރަޕްޝަން މައްސަލަ އެމްއެމްޕީއާރްސީގެ މައްސަލަ އާއި ގުޅިގެން ބޭންކް އޮފް މޯލްޑިވްސް (ބީއެމްއެލް)ގެ މުވައްޒަފަކު ހައްޔަރުކޮށް 5 ދުވަހަށް ބަންދުގެ މުއްދަތު ޖަހައިފިއެވެ.
"އައްޑޫލައިވް"އަށް މައުލޫމާތު ލިބިފައިވާ ގޮތުގައި ހައްޔަރުކޮށްފައިވަނީ ފ. ނިލަންދޫ ބްރާންޗު މެނޭޖާރ ގާސިމް އަބްދުލް ކަރީމެވެ. އޭނާ ހައްޔަރު ކުރީ އެމްއެމްޕީއާރްސީ އާއި ގުޅުން ހުރި ބައެއް އެކައުންޓް ތަފްސީލް ހާމަކުރިކަމުގެ ތުހުމަތުގައެވެ.
އޭނާގެ ބަންދުގެ މުއްދަތު 5 ދުވަހަށް ޖެހުމަށްފަހު މިހާރު ބަންދުކޮށްފައިވަނީ ދޫނިދޫގައެވެ.
އެމްއެމްޕީއާރްސީގެ މައްސަލަ ފެންމަތިވެފައިވާ އިރު މިކަމުގައި އެއްވެސް ބޭންކެއް އިހްމާލްވެފައިވާ ނަމަ ފިޔަވަޅު އަޅާނެކަމަށް މަރުކަޒީ ބޭންކް (އެމްއެމްއޭ)އިން ވަނީ ބުނެފައެވެ.