ދިވެހިރާއްޖޭގެ މަޝްހޫރު ދީނީ ޢިލްމުވެރިޔާ ޝައިޚް އިލްޔާސް ޙުސައިން އާއި ބައްދަލުކުރުމަށް އިސްލާމިކް މިނިސްޓަރ ޒިޔާދް ބާގިރް އެދިއްޖެއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި، އިސްލާމިކް މިނިސްޓްރީގެ ފަރާތުން ވަނީ މިނިސްޓަރ އާއި އެއްކޮށް ބައްދަލުވުމަކަށް ވަޑައިގަތުމަށް އެދި ޝައިޚް އިލްޔާސް އަށް ވަނީ ދަޢުވަތު ފޮނުވާފައެވެ.
ޝެއިޚް އިލްޔާސް އާއި ބައްދަލުކުރުމަށް އެދިވަޑައިގެން އިސްލާމިކް މިނިސްޓަރގެ ފަރާތުން ދަޢުވަތު ފޮނުވާފައި ވަނީ، ސަރުކާރަށާއި އިސްލާމިކް މިނިސްޓްރީއަށް ވަރަށް ބޮޑަށް ފާޑުވިދާޅުވެ ޝެއިޚް އިލްޔާސް ވާހަކަ ދައްކަވާފައި ވަނިކޮށް ކަން ފާހަގަކޮށްލެވެއެވެ.