ހިތަދޫގައި މީހަކު މަރާލުމަށްފަހު އޮޅެއްގެ ތެރެއަށް އެއްލާލާފައި އޮތްވާ ފެނިއްޖެއެވެ.
އައްޑޫލައިވްއަށް މައުލޫމާތު ލިބިފައިވާ ގޮތުގައި މަރާލާފައި އޮތްވާ ފެނިފައިވަނީ އަލީ އަބްދުﷲ، ބުރުނީގެ ސ. ހިތަދޫއެވެ.
އޭނާ ފެނިފައިވަނީ ގެއްލިގެން ހޯދަމުން ދަނިކޮށް މިއަދު ހެނދުނު ހިތަދޫ ސްކޫލް ފުރަގަހުގައި އޮންނަ އޮޅެއްގެ ތެރެއިން ކަމަށް މައުލޫމާތު ލިބެއެވެ.
އަލީ އަބްދުﷲ އަކީ ހިތަދޫގައި ހިނގަމުން އަންނަ "ޓޫވޭވް" ފިހާރައިގެ ވެރިޔާއެވެ. އޭނާ މަރާލާފައި އޮތް ސަރަހައްދު ފުލުހުން ބަންދުކޮށްފައިވާ އިރު މީގެ އިރުކޮޅެއް ކުރިން އޭނާގެ ހަށިގަނޑު ހިތަދޫ ރީޖަނަލް ހޮސްޕިޓަލަށް ވަނީ ގެނެވިފައެވެ.
ހޮސްޕިޓަލް ސަރަހައްދުގައި ހުރި މީހަކު "އައްޑޫލައިވް"އަށް މައުލޫމާތު ދެމުން ބުނީ އަލީ އަބްދުﷲގެ ހަށިގަނޑުން ބޮޑެތި ޒަހަމްތަކެއް ފެންނަން ހުރި ކަމަށެވެ.
ތަފްސީލް އަންނަނީ……