އިންޑޮނީޝިއާގެ ސުމަޓްރާ ކައިރިއަަށް 7.9 މެގްނިޓިއުޑްގައި އައި ބިންހެލުމެއް އައުމާއި ގުޅިގެން އިންޑޮނެޝިއާގައި ތިބި އާއިލާތަކަށް ހިލޭ ގުޅޭ ގޮތަށް އުރީދޫން ހަމަޖައްސައިފިއެވެ.
އުރީދޫން މިރޭ ނެރުނު ބަޔާނެއްގައި ބުނީ އިންޑޮނޭޝިއާގައި ދިރިއުޅޭ، އާއިލާތަކާއި ގާތްތިމާގެ މީހުންނަށް ފަސޭހަ ކަމާއި އެކު ގުޅުމުގެ މަގުފަހި ކޮށްދިނުމުގެ ގޮތުން މިއަދު 2 މާޗް 2016 ވަނަ ދުވަހު އުރީދޫގެ ހުރިހާ ކަސްޓަމަރުންނަށްވެސް ހިލޭ ގުޅޭނެ އިންތިޒާމް ހަމަޖައްސާފައިވާ ކަމަށެވެ.
ބިންހެލުމާ ގުޅިގެން ސުނާމީ އަރާފާނެ ކަމަށް އިންޑޮނީޝިއާ އާއި އޮސްޓްރޭލިއާ އިން އިންޒާރު ނެރުނު ކަމުގައި ވިޔަސް އިންޑޮނީޝިއާ އާއި އޮސްޓްރޭލިއާ އިން ވެސް މިހާރު ވަނީ އިންޒާރު ކެންސަލް ކޮށްފައެވެ.
ރާއްޖޭން ވެސް ވަނީ މިރޭ 9 ޖަހަންދެން ސުނާމީ އަރާފާނެ ކަމަށް ތައްޔާރުވެ ތިބުމަށް އެދިވަޑައިގެންފައެވެ.