ރޭ ދަންވަރުން ފެށިގެން ހުއްޓުމެއް ނެތި އައްޑޫއަށް ބޯކޮށް ވާރޭ ވެހި ބައެއް ގެތަކަށް ފެންވަދެ ގެއްލުން ވަމުން އެބަދެއެވެ.
މައުލޫމާތު ލިބޭ ގޮތުގައި ފޭދޫގެ ބައެއް ގެތަކަށް ވަނީ ފެންވަދެފައެވެ. ނަމަވެސް ގެއްލުމުގެ ތަފްސީލް އަދި ވަނީ ލިބޭ ގޮތް ނުވެފައެވެ.
މިދިޔަ އަހަރުގެ ނޮވެމްބަރު މަހުގެ 25 ވަނަ ދުވަހު އައްޑޫއަށް ކުރި ވިއްސާރާގައި ފޭދޫގެ 200 އެއްހާ ގެއަށް ގެއްލުން ލިބިފައިވާ އިރު ގެެއްލުމުގެ އަގު 4 މިލިއަން ރުފިޔާއަށް ވުރެ ބޮޑުކަމަށް ކަމާއި ބެހޭ އިދާރާއިން ވަނީ ބުނެފައެވެ.
ރޭ ދަންވަރު ވެހެން ފެށި ވާރޭ އަދިވެސް ހުއްޓާ ނުލާތީ ބައެއް ސްކޫލް ތަކުގެ ކިޔެވުން މިއަދު ވަނީ ކެންސަލް ކޮށްފައެވެ.