މިއަހަރު ޖެނުއަރީ މަހުން ފެށިގެން އައްޑޫގެ އެއްވެސް މިސްކިތަކަށް ދައުލަތުން އެއްވެސް ހަރަދެއް ނުކުރާކަމަށް އައްޑޫ ސިޓީ ކައުންސިލުން ބުނެފިއެވެ.
މީގެ ކުރިން ކައުންސިލުން ބަލަހައްޓަމުން، އާބާތުރަ ފިލުވަމުން އައި މިސްކިތްތައް މިދިޔަ ޑިސެމްބަރު މަހުން ފެށިގެން އިސްލާމިކް މިނިސްޓްރީގެ ބެލުމުގެ ދަށައް ވަނީ ބަދަލުކޮށްފައެވެ.
ކައުންސިލްގެ އޮފިޝަލަކު ބުނީ މިސްކިތްތައް ސާފު ނުކުރެވޭތީ ގިނަ ބަޔަކު ޝަކުވާ ކުރަމުން އަންނަ ކަމަށެވެ.
އައްޑޫ ސިޓީގެ މިސްކިތްތައް އިސްލާމިކް މިނިސްޓްރީގެ ބެލުމުގެ ދަށައް ގެނެސްފައިވާ އިރު މިސްކިތްތަކުގައި އޭސީ ހަރުކޮށްގެން ކަރަންޓް ބިލް ނުދެއްކޭނެ ކަމަށް އިސްލާމިކް މިނިސްޓްރީން ވަނީ ބުނެފައެވެ. އެހެންވެ އޭސީ ހަރުކޮށްފައިވާ މިސްކިތްތަކުގެ ކަރަންޓް ބިލް ދައްކަނީ އާއްމު ފަރާތްތަކުންނެވެ.
ސަރުކާރުން މިސްކިތްތަކަށް ހަރަދު ކުރުން ހުއްޓާލާފައިވާ އިރު، ކުޅިވަރާއި މުނިފޫހި ފިލުވުމުގެ ކަންކަމަށް ދައުލަތުން ދަނީ މިލިއަނުން ހަރަދު ކުރަމުންނެވެ.