މި މަހުގެ 2 ވަނަ ދުވަހުގެ ރޭ އަނިޔާވެރި ގޮތަކަށް މަރާލާފައި އޮތްވާ ފެނުނު ހިތަދޫ، ބުރުނީގެ، އަލީ އަބްދުﷲގެ މަރާއި ގުޅިގެން މީހަކު ހައްޔަރުކޮށް ބަންދަށް 15 ދުވަސް ޖަހައިފިއެވެ.
ފުލުހުން ބުނީ މިހާދިސާ އާއި ގުޅިގެން ހައްޔަރުކޮށްފައިވަނި 24 އަަހަރުގެ މީހެއް ކަމަށެވެ.
"އައްޑޫލައިވް"އަށް މައުލޫމާތު ލިބިފައިވާ ގޮތުގައި މި ހާދިސާ އާއި ގުޅިގެން ހައްޔަރުކޮށްފައިވަނީ އަލީ ހިންގަމުން ދިޔަ "ޓޫވޭވް" ފިހާރަ އާއި ކައިރި ސަރަހައްދުގެ ގެއެއްގެ މީހެކެވެ.
އޭނާ ހައްޔަރުކޮށްފައިވަނީ އިއްޔެ ރޭ ހިތަދޫ ޕޮލިސް ސްޓޭޝަނަށް ގެނެސް ބަޔާނެއް ނެގުމަށްފަހު ދުކޮށްލުމަށް ފަހު، އެނބުރި ގޮސް ކަމަށް މައުލޫމާތު ލިބެއެވެ. އަދި އޭނާ ހައްޔަރުކޮށް ހިތަދޫ ރީޖަނަލް ހޮސްޕިޓަލަށް ގެންގޮސް އޭނާގެ މޭމަތީގައި ހުރި ޒަހަމަކަށް ފަރުވާ ދީފައިވާ ކަމަށް މައުލޫމާތު ލިބެއެވެ.
މި މައްސަލަ ފުލުހުންގެ ހާއްސަ ޓީމަކުން ތަހްގީގު ކުރަމުން އަންނަ އިރު މިކަމާއި ގުޅޭ އިތުރު ތަފްސީލެއްް އަދި މިހާތަނަށް މީޑިއާގައި ހިއްސާކޮށްފައި ނުވެއެވެ.
އަލީ އަނިޔާވެރި ގޮތަކަށް މަރާލުމަށްފަހު އެއްލާލާފައިވަނީ ހިތަދޫ ސްކޫލުގެ ފުރަގަހުގައި އޮންނަ އޮޅަކަށެވެ.