ހިތަދޫގައި ރޭ ކާރު ޑްރައިވަރަކަށް ޙަމަލާދީ އޭނާގެ އަތާއި ބޮލުގައި ދަތްއަޅައި ޒަޚަމްކުރި ކަމުގެ ތުހުމަތުގައި މީހަކު ހައްޔަރުކޮށްފިއެވެ.
މިމައްސަލާގައި ކޯޓު އަމުރެއްގެ ދަށުން ހައްޔަރުކޮށްފައިވަނީ ޢުމުރުން 29 އަހަރުގެ ދިވެހި ފިރިހެނެކެވެ.
ފުލުހުން ބުނީ ކާރު ޑްރައިވަރެއްގެ އަތުގައާއި ބޮލުގައި ދަތްއަޅައި ޒަޚަމްކުރިމަކުގެ މަޢުލޫމާތު ފުލުހުންނަށް ރިޕޯޓް ކޮށްފައިވަނީ 2016 މާޗް 4 ވަނަދުވަހުގެރޭ 23:00 ހާއިރު އެވެ.
މިމައްސަލާގައި ހައްޔަރުކޮށްފައިވާ މީހާއަކީ ގުރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގުމާއި ހަތިޔާރުން ބިރުދައްކައިގެން ފޭރުމާއި މަސްތުވާ ތަކެތީގެ ކުށުގެ ރެކޯޑް އޮންނަ މީހެއް ކަމަށް ފުލުހުންގެ ވެބްސައިޓްގައި ވެއެވެ.
މިމައްސަލަ ހިތަދޫ ޕޮލިސް ސްޓޭޝަނުން އިތުރަށް ދަނީ ތަޙުޤީޤު ކުރަމުންނެވެ.
މި ދުވަސްކޮޅު އައްޑޫގައި ކުށްކުރުން އިތުރުވެފައިވާ ކަން ފާހަގަކޮށްލެވެއެވެ.