އައްޑޫގައި މީހަކު މަރާލައި، އިތުރު ބަޔަކަށް ތޫނު އެއްޗެހިތަކުން ހަމަލާދީ، މުޅި އަތޮޅުގައި ބިރުވެރިކަން ފެތުރިފައިވަނިކޮށް، ފުލުހުން ހާއްސަ އޮޕަރޭޝަނެއް ފަށައި 13 މީހަކު ހައްޔަރުކޮށްފިއެވެ.
ފުލުހުން އައްޑޫގައި ފަށާފައިވާ ހާއްސަ އޮޕަރޭޝަނުގައި މިހާތަނަށް ގިނަ ބަޔަކާއި، ސުވާލްކޮށް، 10 ތަނެއް ބަލައި ފާސްކޮށް، 23 ވެހިކަލެއް ޗެކް ކޮށްފައިވާ ކަމަށް ފުލުހުން ބުނެއެވެ.
މިހާރު ކުރިއަށްދާ އޮޕަރޭޝަންގައި ހިތަދޫގެ އެކަހެރި ސަރަހައްދުތަކުގައި ހުންނަ ފަޅު ގޯތި ޗެކް ކުރުމާއި، އެއްވެސް ކަމެއް ނެތި ގްރޫޕް ހަދައިގެން ގޯޅި ގޯޅި ކަންމަތީ ތިބޭ ގްރޫޕްތައް ފޮނުވާލަމުން އަންނަ ކަމަށް ފުލުހުން ބުނެއެވެ.
މިދިޔަ ބުދަ ދުވަހުގެ ރޭ ހިތަދޫގެ ވިޔަފާރިވެރިއަކު މަރާލާފައި އޮތްވާ ވަނީ ފެނިފައެވެ. އެމައްސަލަ ފުލުހުން ބަލަމުންދަނިކޮށް ހުކުރު ދުވަހުގެ ރޭ ޓެކްސީ ޑްރައިވަރެއްގެ އަތާއި ބޮލުގައި މީހަކު ވަނީ ދަތް އަޅައި ޒަހަމްކޮށްލާފައެވެ.
އަދި ރޭ 16 އަހަރުގެ ކުއްޖެއްގެ ބޮލަށް އަނިޔާ ކުރުމަށްފަހު މަގުމައްޗަށް އެއްލާލާފައި އޮތްވާ ފެނިގެން މިހާރުވެސް ދަނީ ފަރުވާ ދެމުންނެވެ.
ފުލުހުން ބުނީ މި އޮޕަރޭޝަނަކީ ރައްޔިތުންގެ މެދުގައި އުފެދިފައިވާ ބިރުވެރިކަން ކުޑަކުރުމުގެ ގޮތުން ފެށި އޮޕަރޭޝަނެއް ކަމަށެވެ.