މިމަހުގެ 2 ވަނަ ދުވަހު އަނިޔާވެރި ގޮތަކަށް މަރާލާފައިވާ ހިތަދޫ، ބުރުނީގެ، އަލީ އަބްދުﷲ ފެނުނު ސަރަހައްދު ފުލުހުން އަނެއްކާވެސް ބަންދުކޮށް ތަހްގީގަށް ބޭނުންވާ މައުލޫމާތު ހޯދުމުގެ މަސައްކަތް ކުރަމުން އެބަދެއެވެ.
ހިތަދޫ ސްކޫލްގެ ފުރަގަހުން އޮންނަ މަގު ބަންދުކޮށް ފުލުހުން ތަހްގީގު ފަށާފައިވަނީ އެ ހާދިސާގެ ތަހްގީގަށް ބަންދުކޮށްފައިވާ މީހާގެ ހާޒިރުގައި ކަމަށް މައުލޫމާތު ލިބެއެވެ.
ހިތަދޫ ސްކޫލް ސަރަހައްދުގައި ހުރި މީހަކު "އައްޑޫލައިވް"އަށް މައުލޫމާތު ދެމުން ބުނީ އެ ސަރަހައްދު ބަންދުކޮށް، މާކަރީ ލައިޓް ޖަހައި ބައެއް ތަންތަން ކޮނެ، ކޮތަޅު ތަކަށް ސާމާން އެޅިތަން ފެނުނު ކަމަށެވެ. ނަމަވެސް އެއީ ކޮންއެއްޗެއްކަން ސާފު ނުވާ ކަމަށް އޭނާ ބުންޏެވެ.
އަލީގެ މަރުގެ މައްސަލާއި ގުޅިގެން 24 އަހަރުގެ މީހަކު ވަނީ ހައްޔަރުކޮށް 15 ދުވަހަށް މުއްދަތު ޖަހާފައެެވެ. މިހާދިސާ އާއި ގުޅިގެން އިތުރު ދެމީހަކު ހައްޔަރުކޮށްފައިވާ އިރު ފުލުހުން އެކަން އަދި ކަށަވަރު ކޮށް ނުދެއެވެ.
ތަފްސީލް އަންނަނީ….