ލުތުފީ ވިދާޅުވި ގޮތުގައި ކޮރަޕްޝަން ހުއްޓުވުމަށް އެ ކޮމިޝަނުން ކުރާ މަސައްކަތަށް އެއްވެސް ނުފޫޒެއް ނެތް ކަމަށް ކަމަށް އެންޓި ކޮރަޕްޝަން ކޮމިޝަން (އޭސީސީ)ގެ ރައީސް ހަސަން ލުތުފީ ވިދާޅުވެއްޖެ އެވެ.
ލުތުފީ މިގޮތަށް ވިދާޅުވެފައި ވަނީ އޭސީސީގެ އަހަރީ ރިޕޯޓް އާއްމުކުރަން ބޭއްވި ޕްރެސް ކޮންފަރެންސްގައި ވާހަކަ ދައްކަވަމުންނެވެ.
ލުތުފީ ވިދާޅުވީ ނަޒާހަތްތެރިކަމުގެ ގައުމީ ޕްލޭން މި އަހަރު ތެރޭގައި ލޯންޗްކުރުމުން ކޮރަޕްޝަން ހުއްޓުވުމުގެ މަސައްކަތް މުޅި ދައުލަތަށް ޝާމިލްވާގޮތަށް ކުރާނެ ކަމަށެވެ.
ރާއްޖޭގައި ފެތުރިފައިވާ ކޮރަޕްޝަނުގެ ވަބާއާ ދެކޮޅަށް ވަރަށް ކާމިޔާބު މަސައްކަތްތަކެއް އެ ކޮމިޝަނުން މިދިޔަ އަހަރު ކޮށްފައިވާކަން ފާހަގަކުރަމުން ލުތުފީ ވިދާޅުވީ މި އަހަރުވެސް އެކަމަށް އިސްކަންދީގެން ގިނަ މަސައްކަތްތަކެއް ކުރާނެ ކަމަށެވެ.
މީގެ އިތުރުން ކޮރަޕްޝަނާއި ދެކޮޅަށް ކުރާ މަސައްކަތް ކުރިއަށް ގެންދަން ސަރުކާރުގެ އެއްބާރުލުން ލިބޭ ކަމަށް ވެސް އޭސީސީއިން ވަނީ ބުނެފައެވެ.