ކްލައުޑިއޯ ރަނޭރީގެ ކުޅުންތެރިން ލީގު ތާވަލުގެ ކުރީގައި 5 ޕޮއިންޓުގެ ލީޑެއް ނަގައިފިއެވެ. ނިއުކާސަލްގެ މެނޭޖަރު ކަމުގައި ބެނިޓޭޒް ނިކުތް ފުރަތަމަ މެޗުން އޭނާ ބަލިކޮށް ލެސްޓާ ހަމަޖެހިލިނަމަވެސް ކޯޗް ރަނޭރީ ވަނީ ކުޅުންތެރިންނަށް ފަރުވާކުޑަނުކުރުމަށާއި ފަސޭހަ ކޮށް ނުލުމަށް އިލްތިމާސް ވެފައެވެ.
25 ވަނަ މިނެޓުގައި ލެސްޓާގެ ފޯވާޑް ޝިންޖީ އޮކަޒާކީގެ އޯވާ ހެޑް ގޯލަކާއެކު ލެސްޓާ މޮޅުވެފައިވާއިރު މިއީ މިސީޒަނުގައި އެންމެ ލަނޑެއްގެ ތަފާތުން އެމީހުން މޮޅުވި 12 ވަނަ މެޗެވެ.
މެޗުން ބަލިވިނަމަވެސް ބެނިޓޭޒްގެ ފުރަތަމަ މެޗުގައި ނިއުކާސަލް ވަނީ ރަނގަޅު ކުޅުމެއް ދައްކާފައެވެ. ލެސްޓާގެ ގޯލު ޖެހުމަށް ބޯޅަ ފޯރުކޮށްދީފައިވަނީ ވާޑީ އޮފްސައިޑު ޕޮސިޝަނެއްގައި ހުރެ ކަމަށް ބެނިޓޭޒް ވަނީ ބަދަލު ރެފްރީ ކައިރީ ޝަކުވާ ކޮށްފައެވެ.
ފުރަތަމަ މެޗުން ބެނިޓެޒް ބަލިވެފައިވިނަމަވެސް އޭނާގެ ފުރަތަމަ ހޯމް މެޗު އޮތީ އަންނަ އާދީއްތަ ދުވަހު ސަންޑަލޭންޑާ ދެކޮޅަށެވެ.
ރޭގެ މޮޅާއެކު ދެވަނައިގައި އޮތް ޓޮޓެންހަމް އާ ދެމެދު 5 ޕޮއިންޓު އުފެދިފައިވާއިރު ތިންވަނައިގައި އޮތް އާސެނަލް އާ ދެމެދު މިހާރު ވަނީ 11 ޕޮއިންޓު އުފެދިފައެވެ.
މިސީޒަނުގެ ތަށި ލިބުމާ ގާތުގައި އޮތީ ލެސްޓާ އަދި ޓޮޓެންހަމް، ދެޓީމުން ކުރެ އެއްޓީމަށް ކަމަށް ބެލެވެއެވެ.