ގޭތެރޭގެ ބޭނުންތަކަށާއި، ދިރިއުޅުމަށް އެކި ބޭނުންތަކަށް ބޭނުންވާ ތަފާތު ގިނަ ސާމާންތައް ހިމެނޭ ހާއްސަ ފިހާރައެއް ރޭ މަރަދޫ ގައި ހުޅުވައިފިއެވެ.
މަރަދޫ ބޮޑު މަގުގައި ހުންނަ ރޫޓް ފިހާރައާއި އިންވެގެން ހުޅުވި މިފިހާރައިން އެކި ބްރޭންޑްގެ ތަފާތު ގިނަ އިލެކްޓްރޯނިކްސް ސާމާން ވިއްކަން ހާއްސަކޮށްފައިވާ ފިހާރައެކެވެ.
"އިއޮން ހޯމް އެޕްލައިންސް"ގެ ނަމުގައި ހުޅުވި މިފިހާރައިގެ ވެރިއާ ރާފިއު"އައްޑޫ ލައިވް"އަށް ވިދާޅުވީ މިފަދަ ފިހާރައެއް އައްޑޫގައި ހުޅުވުމުގެ ބޭނުމަކީ އައްޑޫގެ ރައްޔިތުންނަށް އަމިއްލަ އަތޮޅުގައި ތިބެގެން ރަނގަޅު ބްރޭންޑްތަކުގެ ސާމާން ލިބޭނެގޮތް ހަމަޖެއްސުން ކަމަށެވެ.
ރާފިއު ވިދާޅުވީ ބައެއް ބްރޭންޑް ތަކުގެ މުދާ މާލެއަށް ވުރެ އަގު ހެޔޮކޮށް މި ފިހާރައިން ލިބެން ހުންނާނެ ކަަމަށެވެ.
ވަރަށް "ސަޅި" ގޮތަކަށް ހަދާފައިވާ މި މިހާރައިން ދުނިޔޭގެ ނަން މަޝްހޫރު ގިނަ ބްރޭންޑްތަކުގެ ކޮލެޓީ މުދާ ވަނީ ލިބޭގޮތް ހަމަޖައްސާފައެވެ.
ރާފިއު ވިދާޅުވީ މި ފިހާރައަކީ ހުރިހާ އެންމެނަށްވެސް އެބޭފުޅެއް އެންމެ ހިތްހަމަޖެހޭ މުދަލެއް އެންމެ ހިތްހަމަ ޖެހޭ އަގެއްގައި ލިބޭނެ ފިހާރަ ކަމަށެވެ.
