ހިތަދޫ ލިންކް ރޯޑުގައި ސައިކަލަކާއި ކާރެއް ޖެހި ހިނގި އެކްސިޑެންޓެއްގައި ސައިކަލް ދުއްވަން އިން ޒުވާނާގެ ބޯފަޅައިގެން ގޮސްފިއެވެ.
އައްޑޫ ހައި ސްކޫލާއި ދިމާލު ލިންކް ރޯޑުގައި ސައިކަލް އާއި ކާރު އެކްސިޑެންޓް ވެފައިވަނީ ސައިކަލް އޯވާޓޭކް ކުރަން އުޅުނު ވަގުތު، ކާރު "އާރި ކިޅި" އާއި ދިމާލަށް އަޅަން އުޅުމުގެ ތެރޭގައި ކާރުގެ ކުރީކޮޅުގައި ޖެހިގެންނެވެ.
މަންޒަރު ދުށް މީހަކު "އައްޑޫލައިވް"އަށް ބުނީ ކާރުގައި ޖެހި ސައިކަލް ދުއްވަން އިން ޒުވާނާ ވިއްސައިގެން ގޮސް ޖެހުނީ ވިއްސަކަށް ފޫޓޫ ދުރުގައިކަމަށެވެ. އޭނާގެ ބޯފަޅައިގެން ދިޔުން ފިޔަވައި ބޭރުފުށުން އިތުރު ގެއްލުމެއް ލިބިފައި ނުވާ ކަމަށް އޭނާ ބުންޏެވެ.
އެކްސިޑެންޓް ހިނގުމާއި އެކު ހިތަދޫ ރީޖަނަލް ހޮސްޕިޓަލަށް ގުޅި ނަމަވެސް އެމްބިއުލެންސަށް ހާދިސާ ހިނގި ސަރަހައްދަށް ދެވިފައިވަނީ 15 ވަނަރަކަށް މިނިޓަށް ވުރެ ގިނަ އިރު ވީފަހުންނެވެ. އޭނާއަށް ދަނީ ހިތަދޫ ރީޖަނަލް ހޮސްޕިޓަލްގައި ފަރުވާ ދެމުންނެވެ.
އެމްބިއުލެންސްއަށް ލަހުން އާދެވިފައިވަނީ ދާދި ފަހުން ސްޕީޑް މަތަކުރުމަށް ގިނަ އަދަދެއްގެ ސްޕީޑް ބްރޭކަރު، ލިންކް ރޯޑުގައި އަޅާފައިވުމުން އެތަންތަނަށް މަޑު ކުރަން ޖެހުމުންނެވެ.
ހޮސްޕިޓަލުން ފެށިގެން ހާދިސާ ހިނގި ސަރަހައްދާއި ދެމެދު 6 ބްރޭކަރު އަޅާފައި ވެއެވެ.