ތޫނު އެއްޗަކުން ހަމަލާދީ މަރާލި މަރަދޫ، ހުދުހިރި، އަހުމަދު މަފާޒް (މަފާ)ގެ މަރުގެ މައްސަލާގައި ދައުލަތުން ޓެރަރިޒަމްގެ ދައުވާ އުފުލާފައިވާ ތިން މީހުން ކްރިމިނަލް ކޯޓުން ދޫކޮށްލައިފިއެވެ.
މަފާގެ މަރުގެ މައްސަލާގައި ދައުލަތުން ދައުވާ އުފުލާފައިވާ ތިން މީހުންނަކީ ހ. އީމާންމަންޒިލް، އަހުމަދު ސައީދާއި ހ. ބްލޫބާޑްގޭ މުހައްމަދު މިދުހަތުގެ އިތުރުން ދަފްތަރު 1475، އަހްމަދު ރިމާޒް އެވެ. މި ތިން މީހުން ކްރިމިނަލް ކޯޓުން އިއްޔެ ދޫކޮށްލާފައި ވަނީ ކުއްލިއަކަށް ބޭއްވި އަޑުއެހުމަކަށް ފަހުއެވެ.
މިކަމާއި ގުޅިގެން ފުލުހުންގެ ބަހެއް ލިބޭ ގޮތް ވަނީ ނުވެފައެވެ.
މަފާޒުގެ މައްސަލާގައި ހިމެނޭ ތިން މީހުން ކޯޓުން ދޫކޮށްލާފައިވާއިރު، އެތިން މީހުންގެ މައްޗަށް ސިއްރު ހެކިން ހުށަހަޅައި ހެކިބަސްވެސް ވަނީ ނަގާފައެވެ.
މިކަމާއި ގުޅިގެން ކްރިމިނަލް ކޯޓުގެ ބަހެއްވެސް ލިބޭ ގޮތް ވަނީ ނުވެފައެވެ.