ސ. ހިތަދޫ ކަނީރު ވިލާ ގޭގައި ރޯވި އަލިފާން ގަނޑު ކޮންޓްރޯލްކޮށްފިއެވެ.
އައިއެމްޑީސީ ހޮސްޕިޓަލް ހުންނަ މަގުގައި ހުންނަ ކަނީރު ގޭގައި ރޯވި އަލިފާން ގަނޑު ހިތަދޫ ފަޔާ އެންޑް ރެސްކިއު ސާވިސް އާއި ހިތަދޫ ފުލުހުން އަދި އާއްމު ރައްޔިތުން ގުޅިގެން ވަނީ މީގެ އިރުކޮޅެއް ކުރިން ކޮންޓްރޯލް ކޮށްފައެވެ.
އެ ސަރަހައްދުގައި ހުރި މީހަކު "އައްޑޫލައިވް"އަށް ބުނީ އަލިފާން ރޯވެ ތިން ކޮޓަރިއަށް ބޮޑެތި ގެއްލުން ތަކެއް ލިބިފައިވާ ކަމަށެވެ. އަދި އަލިފާން ނިއްވާ ފަރާތުން ހަތަރު ވަނަ ކޮޓަރި ބަންދުކޮށްފައި ހުރުމުން އެތަނުގައި ރޯވެފައިވާ އަލިފާން ގަނޑު ނިއްވުމުގެ މަސައްކަތް ކުރަމުން އަންނަ ކަމަށެވެ.
މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވެއެވެ.
މިގޭގައި މިވަގުތު ދިރިއުޅެމުންދަނީ ބަންގަލަދޭޝްގެ 4 މީހެއް ކަމަށް އެސަރަހައްދުން ވާހަކަ ދެއްކި މީހަކު ބުންޏެވެ.