މިމަހު އަށާރަ ވަނަ ދުވަހުގެރޭ އެސްއޯ ފުލުހުންނާއި މާލޭގެ ދެ ގުރޫޕަކާއި ދެމެދު ހިނގި ހަމަނުޖެހުންތަކާއި ގުޅިގެން އެސްއޯ 13 ފުލުހަކު ސަސްޕެންޑްކޮށްފިއެވެ.
މައުލޫމާތުލިބިފައިވާގޮތުން ސަސްޕެންޑްކޮށްފައިވާ 13 ފުލުހުންނަކީ އެރޭ މާލޭގައި ހިނގައިދިޔަ ހަމަނުޖެހުންތަކުގައި ބައިވެރިވި ބައެއް ފުލުހުންނެވެ.
ނަންހާމަނުކުރުމަށް ޝަރުޠުކޮށް ފުލުހުންގެ އިސް އޮފިޝަލަކު އައްޑޫ ލައިވަށް މައުލޫމާތު ދެމުން ވިދާޅުވީ ސަސްޕެންޑުކުރި ފުލުހުންނާއި ހަވާލުކޮށްފައިވާ ޕާސަނަލް ނޮން ލީތަލް ހަތިޔާރުތަކާއި އެހެނިހެން ސާމާނުތައް މިހާރު އަތުލާފައިވާކަމަށެވެ. އަދި މިގޮތަށް ފިޔަވަޅު އެޅުމާއި ގުޅިގެން އެސްއޯގެ ގިނަ ފުލުހުން ނުރުހުންވެފައިވާ ކަމަށްވެސް އެފަރާތުން މައުލޫމާތުދެއެވެ.
މިހާރު ސަސްޕެންޑްކޮށްފައިިވާ 13 ފުލުހުން ވަޒީފާއިން ވަކިިކޮށްފިނަމަ އެސްއޯގެ ގިނަފުލުހުން ވަޒީފާއިން ވަކިވާނެކަމަށްބުނެ ފުލުހުންގެ އިސްވެރިންނަށް އިންޒާރުދީފައިވާ ކަމަށް އައްޑޫލައިވް އަށް މައުލޫމާތުދިން އޮފިޝަލް ވިދާޅުވިއެެވެ.