ޔުނެސްކޯ ބ. އަތޮޅު ބަޔޮސްފިއާ ރިޒާވު އޮފީހުގެ ޓީމެއް ތަޖުރިބާ ހިއްސާކުރުމުގެ ދަތުރެއްގައި އައްޑު އަތޮޅަށް ޒިޔާރަތްކޮށް، އައްޑޫ ސިޓީ ކައުންސިލާއި ބައްދަލުކޮށްފިއެވެ.
އިއްޔެ އައްޑޫ ސިޓީ ކައުންސިލްގައި ބޭއްވި ބައްދަލުވުމުގައި ބަޔޮސްފިއާ ރިޒާވު ކޮންޒަވޭޝަން ފަންޑުގެ މެނޭޖިން ޑިރެކްޓަރު އަބްދުﷲ ޝިބާއު އާއި އެ އޮފީހުގެ ބައެއް މުވައްޒަފުންގެ އިތުރުން ބ. އަތޮޅު ކައުންސިލުގެ މެންބަރު ހަަސަން ސިރާޖުވެސް ބައިވެރިވެވަޑައިގަންނަވަ އެވެ.
އައްޑޫ ސިޓީ ކައުންސިލާއި އެކު ބޭއްވި ބައްދަލުވުމުގައި ޝިބާއު ވިދަޅުވީ ދަތުރުގެ މައިގަނޑު ބޭނުމަކީ އައްޑު އާއި ފުވައްމުލަކުގައި ހިމާޔަތް ކޮށްފައިހުރި މުހިއްމު ސަރަހައްދުތައް ބަލައި އެބޭފުޅުން ބ. އަތޮޅު ބަޔޮސްފިއާ ރިޒާވުގެ ކުރަމުންދާ މަސައްކަތުގެ ތަޖްރިބާ އެ ފަރާތްތަކާ ހިއްސާކުރުމެވެ.
ބައޯސްފިއާ ރިޒާވް ޓީމުން ވަނީ މިދިޔަ ހޮނިހިރު ދުވަހު ހިތަދޫގައި ކުރިއަށް ގެންދާ ކްލައިމެޓް ޗޭންޑް އެޑެޕްޓޭޝަން ޕްރޮޖެކްޓްގެ ދަށުން ކޯއްޓޭ ސަރަހައްދު ބެލެހެއްޓުމަށް އެކުލެވިފައިވާ ޕްރޮޖެކްޓް އޭރިއާ މެނޭޖްމަންޓްގެ މުވައްޒަފުންނާއި ބައްދަލުކޮށް ދެފަރާތުގެ ތަޖުރިބާ ހިއްސާކޮށްފައެވެ.
އޭގެ އިތުރުން އިއްޔެ ބައޯސްފިއާ ޓީމުން ވަނީ ޝަންގްރިއްލާއަށް ޒިޔާރަތްކޮށް އެފަރާތުގެ މައުލޫމާތު ހިއްސާކޮށްފައެވެ.
ބައޯސްފިއާ ރިޒާވް ޓީމުން އައްޑޫ އަދި ފުވައްމުލަކަށް ކުރާ ދަތުރު ނިންމާލުމަށް ހަމަޖެހިފައިވަނީ އަންނަ ބުދަ ދުވަހުއެވެ.