މި މަހުގެ 2 ވަނަ ދުވަހުގެ ރޭ އަނިޔާވެރި ގޮތަކަށް މަރާލާފައިވާ ހިތަދޫ ބުރުނީގެ، އަލީ އަބްދުﷲގެ މަރުގެ މައްސަލާގައި އިތުރު ބަޔަކު ހައްޔަރު ކުރާނެ ކަމަށް ފުލުހުން ބުނެފައިވާ ކަމަށް ބައެއް މީޑިއާގައި ޖަހާފައިވަނީ ފުލުހުންގެ ރަސްމީ ބަހެއް ނެތި ކަމަށް ފުލުހުން ބުނެފިއެވެ.
އަލީގެ މަރުގެ ޝަރީއަތް އަވަސް ކުރުމަށާއި، އިންސާފުވެރި ޝަރީއަތެއް ބާއްވައި ދިނުމަށް ގޮވާލައި އިއްޔެ، ހިތަދޫގެ ރައްޔިތުން ކުރި ސުލްހަވެރި މުޒާހަރާއަށް ފަހު، މުޒާހަރާގެ ބައިވެރިންވަނީ ހިތަދޫ ޕޮލިހުންގެ އިސްވެރިންނާއި ބައްދަލުކޮށްފައެވެ.
ބައްދަލުވުމަށް ވަން އަލީގެ އާއިލާގެ މެމްބަރުން ހިތަދޫ ޕޮލިސް ސްޓޭޝަނުން ނިކުމެ، މުޒާހަރާގައި ބައިވެރިވި މީހުންނަށް ބުނީ، އަލީގެ މަރުގެ މައްސަލައިގެ ތަހްގީގު ބާރު ސްޕީޑެއްގައި ކުރިއަށްދާ ކަމަށާއި، ހާދިސާ އާއި ގުޅިގެން ހައްޔަރު ކުރަން ޖެހޭ އިތުރު ބަޔަކު މުޖްތަމައު ތެރޭގައި އުޅެމުން ދާ ކަމަށެވެ. އަދި އެފަރާތްތައް ވަރަށް އަވަހަށް ހައްޔަރު ކުރާނެ ކަމަށް ފުލުހުން ބުނި ކަމަށެވެ.
މިކަމާއި ގުޅިގެން ފުލުހުން ވަނީ ތިން ޓްވީޓެއް ކޮށްފައެވެ. އެގޮތުން ހިތަދޫގައި ހިނގި މަރުގެ ހާދިސާ އާއި ގުޅިގެން މިހާތަނަށް ތަހްގީގަށް ހާޒިރު ކުރަން ޖެހޭ ހުރިހާ އެންމެން ހައްޔަރު ކޮށްފައިވާ ކަމަށް ފުލުހުން ވަނީ ޓްވީޓްކޮށްފައެވެ.
Addu City gai Mimahuge 2 vanadhuvahu Hingi maruge Masslaige Thahuqeeqah mihaathanah Hayyaru kuran jehey meehun vanee Hayyaru koffa
— Maldives Police (@PoliceMv) March 25, 2016
އަދި އޭގެ ފަހުން، މި ހާދިސާއާއި ގުޅިގެން އިތުރު ބަޔަކު ހައްޔަރު ކުރަންޖެހެ ކަމަށް ، ބައެއް މީޑިއާތަކުގައި ކޮށްފައިވާ ރިޕޯޓަކީ ފުލުހުންގެ ރަސްމީ ބަހެއް ނެތި ކޮށްފައިވާ ރިޕޯޓެއް ކަމަށް ވަނީ ބުނެފައެވެ.
Mi Massalaagi Ithuru bayaku Hayyaru kuran jehey kamah Baeh media thakugai Koffaiva reportakee Fuluhunge Rasmee baheh nethi koffaiva reporteh
— Maldives Police (@PoliceMv) March 25, 2016
އަދި ތިންވަނަ ޓްވީޓަކުން ފުލުހުން ބުނީ، "ތަހްގީގު ކުރާ މިފަދަ ބޮޑެތި މައްސަލަތަކުގައި، ފުލުހުންގެ ބަހެއް ނެތި، ހަބަރު ފެތުރުމަކީ މަސްލަހަތު ހުރި ކަމެއް ނޫންކަމެއް ކަމުގައި ދަންނަވަން"
Thahuqeeq kuraa Mifadha bodethi Massalathakugai Fuluhunge baheh nethi Khabaru Fethurumakee Maslahathu huri gotheh noon kamugai dhannavan
— Maldives Police (@PoliceMv) March 25, 2016
އަލީގެ މަރުގެ މައްސަލަ އާއި ގުޅިގެން އައްޑޫގެ ގިނަ ރައްޔިތުން ދަނީ ކަންބޮޑުވުން ފާޅު ކުރަމުންނެވެ. ގިނަ ބަޔަކު މިކަމާއި ކަންބޮޑުވުން ފާޅު ކުރަމުން ދަނީ އަލީ މަރާލާފައިވާ އިހާނެތި ގޮތުންނާއި، މިކަމަކީ ފަހުގެ ތާރީހެއްގައި ރާއްޖޭގައި ހިނގާފައިވާ މިފަދަ އެންމެ ބޮޑު ޖަރީމާ ކަމުގައި ވުމެވެ.
އަދި އަލީ މަރާލާފައިވަނީ ކޮން ސަބަބަކާއި ހުރެގެންތޯ އާއި، މިކަމަކީ ކޮން ބަޔަކު ކޮން މަގްސަދެއްގައި ކުރި ކަމެއްތޯ ބަލަން ރައްޔިތުން ވަނީ ކެތްތެރިކަން ކޮޅުންލާފައެވެ.
އިއްޔެ ހަވީރު، ހިތަދޫގައި ބޭއްވި މުޒާހަރާއަކީވެސް އެހެންވެ، އާއްމު ރައްޔިތުން އިސްވެ، ކުރިއަށް ގެންދިޔަ ސުލްހަވެރި މުޒާހަރާއެކެވެ.