އުރީދޫން އައިފޯން އެސްއީ އަށް ޕްރިއޯޑަ ނަގަނީ

އައިފޯން އެސްއީ އުރީދޫން މި މަހުގެ ހަ ވަނަ ދުވަހު ރާއްޖޭގައި ވިއްކަން ފަށާނެ ކަމަށް އެކުންފުނިން ބުނެފި އެވެ.

އުރީދޫން ބުނީ އެ ކުންފުނީގެ ވެބްސައޓް މެދުވެރިކޮށް، އައިފޯން އެސްއީއަށް މިހާރު ޕްރީއޯޑަ ވެސް ކުރެވޭނެ ކަމަށެވެ.

އައިފޯން އެސްއީގެ 16 ޖީބީގެ ފޯނެއް ކޮންޓްރެކްޓަކާ ނުލައި ވިއްކަން ހަމަޖައްސާފައި ވަނީ 7،849ރ. އަށެވެ. އަދި މީގެ ފޯނެއް ފުރަތަމަ 1،999ރ. ދެއްކުމަށް ފަހު މަހަކު 499ރ. ދައްކާ ގޮތަށް 12 މަސް ދުވަހުން އަގު އަދާ ކުރާ ގޮތަށް ނެގެ އެވެ.

އަދި 64 ޖީބީގެ ފޯނެއް ކޮންޓްރެކްޓާ ނުލައި ވިއްކަން ނިންމާފައި ވަނީ 9،699ރ. އަށެވެ.

ކޮންޓްރެކްޓަކާ އެކު، ފުރަތަމަ 1،999ރ. ދެއްކުމަށް ފަހު މަހަކު 649ރ. ދައްކަމުން ގޮސް 12 މަސް ދުވަހުން އަގު އަދާ ކުރެވޭނެ ކަމަށް ވެސް އުރީދޫން ބުންޏެވެ.

އައިފޯން އެސްއީގެ ކުލަތަކުގެ ތެރޭގައި ހަތަރު އިންޗީގެ ޑިސްޕްލޭއަކާ އެކު ގޯލްޑް، ރޯސްގޯލްޑް، ސްޕޭސް ގްރޭ އަދި ސިލްވަ ހިމެނެ އެވެ.