ހުޅުދޫން "ފިލައިގެން" އުޅޭ އަންހެން ކުއްޖަކު ހޯދަން ފަށައިފި އެވެ.
މީގެ ދެ ދުވަހެއް ކުރިން ރައްޓެހިވެގެން އުޅޭ ފިރިހެން ކުއްޖާ އާ އެކު ފިލާފައި ވަނީ ސ. އަތޮޅު މަދަރުސާގައި މަތީ ސާނަވި އަށް ކިޔަވާ އުމުރުން 18 އަހަރުގެ އަންހެން ކުއްޖެެއް ކަމަށް އެނގިފައިވެ އެވެ.
މިކަމާ ބެހޭ ގޮތުން ފުލުހުންގެ ބަހެއް އަދި ލިބޭ ގޮތެއް ނުވެ އެވެ.
ހުޅުދޫން ވާހަކަ ދެއްކި މީހަކު ބުނީ އަންހެން ކުއްޖާ ކުލީ ލޯންޗެއްގައި އައްޑޫގެ ގުޅިފައިވާ ރަށަކަށް ފިރިހެން ކުއްޖާ އެކު ގޮސްފައިވާ ކަމަށް ވަަރަށް ބޮޑަށް ބެލެވޭ ކަމަށެވެ.
"މި ފަރުގައި އެ މީހުން ނެތްކަން ޔަގީން. ލޯންޗެއްގައި އައްޑޫގެ ގުޅިފައިވާ އަވަށެއްގައި މިހާރު އެ މީހުން ތިބި ކަމަށް ވަނީ،" އޭނާ ބުންޏެވެ.
އަންހެންގެ ހަބަރެއް ނުވެގެން އާއިލާ އިން ވެސް މިހާރު އަންނަނީ އޭނާ ހޯދަމުންނެވެ. ހުޅުދޫން ވާހަކަ ދެއްކި އެހެން މީހަކު ބުނީ އަންހެން ކުއްޖާ އެންމެ ފަހުން ވެސް ފެނުނީ ރައްޓެހިވެގެން އުޅޭ ކުއްޖާ އާ އެކު ކަމަށެވެ.
އެ އަންހެން ކުއްޖާގެ ފޮޓޯއެއް މިހާރު އަންނަނީ ސޯޝަލް މީޑިއާގައި ވެސް ދައުރުވަމުންނެވެ.