"ހަވީރު" ނޫސް ހުއްޓުވާލުމާއި ނޫސްވެރިޔާ ރިލްވާން އަބްދުﷲ ގެއްލުވާލި މައްސަލާގައި ރާއްޖޭގެ ނޫސްވެރިން އިއްޔެ މަގުމައްޗަށް ނިކުމެ އެ މީހުންގެ ހައްގުތައް ހޯދަން ގޮވާލައި އިހުތިޖާޖުކޮށްފައިވާތީ ކުރީގެ ނައިބް ރައީއް ޑރ. މުހައްމަދު ޖަމީލް އަހުމަދު ނޫސްވެރިންނަށް ހިތްވަރު ދެއްވައިފި އެވެ.
މިހާރު އިނގިރޭސިވިލާތުގައި ހުންނަވާ ޖަމީލް ކުރެއްވި ޓްވީޓެއްގައި ވަނީ ނޫސްވެރިންގެ މަސައްކަތަށް ސާބަސް ދެއްވައިފަ އެވެ.
"ނޫސްވެރިންގެ މަސައްކަތަށް ސާބަސް. ބިރު ދައްކައިގެން މުޅި ގައުމު ހިމޭން ނުކުރެވޭނެ." އެ މަނިކުފާނުގެ ޓްވީޓްގައި ވިދާޅުވި އެވެ. "ދިވެހި ގައުމު މިއަދު ގޮވަނީ މި އަނިޔާ އިން ސަލާމަތްވުމަށް."
ނޫސްވެރިން އިއްތެ ރައީސް އޮފީސް ކައިރީ ކުރި ސުލްހަވެރި އިޖުތިޖާތުގައި ފުލުހުން ވަނީ ބާރުގެ ބޭނުންކޮށް، ޕެޕަ ސްޕްރޭ ޖަހައި ބައެއް ނޫސްވެރިންނަށް އަނިޔާވެސް ކޮޮށްފަ އެވެ. އަދި 16 ނޫސްވެރިއަކު ހައްޔަރު ކުރި އެވެ.
އެހެން ނަަމަވެސް އެ އެންމެން ރޭ ވަނީ ދޫކޮށްލައިފަ އެވެ.