ޔުއޭފާ ޗެމްޕިއަންސް ލީގުގެ މިސީޒަނުގެ ކުއާޓާ ފައިނަލް ކުރިއަށް އޮތް އިރު މެންޗެސްޓާ ސިޓީ އަށް މި ސީޒަނުގެ ތަށި ނެގުމުގެ ފުރުސަތު އެބަ އޮތް ކަމަށް ސިޓީގެ ޒުވާން މިޑްފީލްޑަރު ކެވިން ޑިބްރުއޭނާ ބުނެފި އެވެ.
"މިއީ މުބާރާތެއް. ރަނގަޅަށް މަސައްކަތް ކޮށްފިނަމަ ކާމިޔާބު ކުރެވޭނެ،" ބުދަ ދުވަހު ޕީއެސްޖީ އާ ދެކޮޅަށް ނިކުތުމުގެ ކުރިން ބްރުއޭނާ ބުނެފައިވެ އެވެ.
މި ހަފްތާގައި ޗެމްޕިއަންސް ލީގުގެ ކުއާޓާ ފައިނަލުގެ މެޗުތައް ކުޅޭ އިރު ސިޓީ ނިކުންނާނީ ފްރާންސުގައި ޕީއެސްޖީ އާ ދެކޮޅަށެވެ. ޑިބްރުއޭނާ މިހެން ބުނެފައި ވަނީ ޕީއެސްޖީގެ ކުޅުންތެރިން ސިޓީ ބަލި ކުރާނެކަމަށް ބުނެފައި ވަނިކޮށެވެ.
ކުޅުންތެރިންގެ އިތުރުން ބައެއް ފުޓުބޯޅަ ދިރާސާ ކުރާ ފަރާތްތަކު ންވެސް ވަނީ ސިޓީއާ ދެކޮޅަށް ވާހަކަ ދައްކައިފަ އެވެ.
ދެހާސް އަށް ވަނަ އަހަރު އަބޫދާބީ ޔުނައިޓެޑް ގްރޫޕުން މެންޗެސްޓާ ސިޓީގެ މިލްކިއްޔާތު ގަތް ފަހުން 2 ފަހަރު އިނގިރޭސި ޕްރިމިއާ ލީގު އެޓީމުން ވަނީ ނަގައިފަ އެވެ.
އަދި އެމީހުންގެ މިހާރުގެ އެންމެ ބޮޑު ހުވަފެނަކީ ޔުއެފާ ޗެމްޕިއަންސް ލީގު ނެގުމެވެ.
އަންނަ ސީޒަނުގައި މަގާމު ހުސްވެފައިވާ ސިޓީގެ މިހާރުގެ ކޯޗު މެނުއެލް ޕެލެގްރްނީ ވެސް ބޭނުން ވަނީ އޭނާގެ ސިޓީގެ ފަހު ތަށްޓެއްގެ ގޮތުގައި ޗެމްޕިއަންސް ލީގު ނެގުމެވެ.
ސިޓީން ވަނީ އަންނަ ސީޒަނުގައި އެޓީމުގެ މެނޭޖަރަކަށް ބެޔާން މިއުނިކްގެ ކޯޗް ޕެޕް ގާޑިއޯލާ ހަމަޖައްސައިފަ އެވެ.