މި މަހުގެ 15 ވަނަ ދުވަހުން ފެށިގެން ސަރުކާރުގެ ރަސްމީ ސިޓީތަކާއި، އެކިއެކި ލިޔުންތަކުގައި ބޭނުން ކުރާނެ ޝިއާރެއް ސަރުކާރުން ކަނޑައަޅައިފި އެވެ.
އެ ޝިއާރަކީ "ސުލްހަވެރިކަން ރައްޔިތުންނަށް-ސަމާލުކަން ތަހުޒީބަށް" މި އެވެ.
ރައީސް އޮފީހުން ބުނީ ޝިއާރު ހުރިހާ ފަރާތްތަކަކުން ވެސް ބޭނުން ކުރަން ރައީސް އަބްދުﷲ ޔާމީން އެދިވަޑައިގަންނަވާ ކަމަށެވެ.
އެހެންވެ ސަރުކާރުގެ ރަސްމީ ސިޓީތަކާއި އެކިއެކި ލިޔުންތަކުގައި މި ޝިޢާރު ޖެއްސުމަށްޓަކައި، ޝިޢާރުގެ ތައްގަނޑެއް ހެދުމާ ބެހޭ ގޮތުން ހޯމް މިނިސްޓްރީން ސަރުކާރުގެ އޮފީސްތަކަށް މަޢުލޫމާތު ދެއްވާނެ ކަމަށެވެ.
އެގޮތުން އެ މަޢުލޫމާތު ލިބުމުން، އެ ޝިޢާރުގެ ތައްގަނޑު ހަދައި، މި އަހަރުގެ ތެރޭގައި މި ޝިޢާރު ބޭނުން ކުރަމުން ގެންދިއުމަށް ރައީސް ވަނީ އެދިވަޑައިގެންފަ އެވެ.