Last Updated: November 26, 16:25
Tuesday, November 26, 2024
ޚަބަރު

"ފުލުހުންކީ ވަކި ތަރުބިއްޔަތެއް ލިބިގެންވާ ބައެއް"

ފުލުހުންނަކީ ޤާނޫނުގައި ކަނޑައެޅިފައިވާ ގޮތުގެ މަތިން މާތްﷲ ގަންދީ ހުވާކޮށް ޚާއްޞަ ތަމްރީނުތަކަކެއް ފުރިހަމަކޮށް މަސައްކަތުގައި ދެމިތިބޭ ވަކި ތަރުބިއްޔަތެއް ލިބިގެންވާ ބައެއް ކަމަށް ކޮމިޝަނަރު އޮފް ޕޮލިސް އަޙްމަދު ޢަރީފް ވިދާޅުވެއްޖެ އެވެ.

ފުލުހުންގެ "މެނޭޖިން ޑިސިޕްލިން" ތަމްރީނު ޕްރޮގްރާމުގެ ފުރަތަމަ ބުރު އިފްތިތާޙްކޮށް ދެއްވުމުގެ ރަސްމިއްޔާތުގައި ޢަރީފް ވިދާޅުވީ ފުލުހުންގެ ވަޒީފާއަކީ ރައްޔިތުންނަށް ޚިދުމަތް ކުރުމަށް ކަނޑައެޅިފައިވާ ވަޒީފާއެއް ކަމަށެވެ.

އެހެންކަމުން އެ ވަޒީފާގައި ދެމިހުންނަ ކޮންމެ ފުލުހަކީ ވެސް ރައްޔިތުން އެދޭ ފަދަ ތަރުބިއްޔަތެއްގެ މަތީގައި ދެމި ތިބޭނެ އަދި ރައްޔިތުންނަށް އިޙްތިރާމް ކުރާނެ ބައެއް ކަމަށް ވިދާޅުވި އެވެ.

އަދި ފުލުުންނަކީ އަޚްލާޤު ހަރުދަނާކޮށް، ސުލޫކު ދަމަހައްޓައި، ސިފަވަންތަކަން އިތުރު ކުރުމަށް ބޭނުންވާ ތަމްރީނުތައް އަބަދުވެސް ބޭނުންވާ ބައެއް ކަމަށް ސީޕީ ވިދާޅުވި އެވެ.

Di-3

އޭނާ އަދި ވިދާޅުވީ ފުލުހުންގެ ތަމްރީނާއި ތަރުބިއްޔަތު އެންމެ ފުރިހަމަ ގޮތުގައި ދެމި އޮތުމަކީ މުޖުތަމަޢުގެ ސަލާމަތާ ރައްކާތެރި ކަމާއި ހަމަ ޖެހުން ދެމިއޮތުމަށް މުހިއްމު ކަމަކަށްވާތީ މިފަދަ ތަމްރީނުތައް ފުލުހުންގެ ތެރޭގައި ހިންގުމަށް އަބަދުވެސް އިސްކަން ދެއްވާނެ ކަމަށެވެ.

"މިއީ ޤާނޫނުތަކުގައި ކަނޑައަޅާފައިވާ ފަދައިން ރައްޔިތުންގެ ޚިދުމަތަށް، ޤައުމުގެ އަމުނާއި ސަލާމަތް ދެމެހެއްޓުމަށް، ކުށުގެ ނުރައްކާ ކުޑަކޮށް ކުށުގެ ބިރުވެރިކަން ނައްތާލަން ކުރަންޖެހޭ ކަންކަން ކުރުމަށް ރައްޔިތުންގެ މަޞްލަޙަތު ދަމަހައްޓައި ހަމަޖެހުން ޤާއިމް ކުރުމަށް އޮންނަ ވަޒީފާއެއްކަން އެނގެން ޖެހޭނެ" ސީޕީ ވިދާޅުވި އެވެެ.