އެމެރިކާ އެމްބެސެޑަރު އަދާލަތު ޕާޓީގެ ރައީސް ޝެއިޚް އިމްރާނާ ބައްދަލު ކުރައްވައިފި އެވެ.
"އައްޑޫލައިވް" އަށް އެނގިފައިވާ ގޮތުގައި މި ބައްދަލުވުން ކުރިއަށް ދިޔައީ އިމްރާން އަބްދުﷲ ދިރިއުޅުއްވާ ގޭގަ އެވެ.
މި ބައްދަލުވުމުގައި ޝިދާތާ ޝަރީފްގެ އިތުރުން އަދާލަތު ޕާޓީގެ ބައެއް އިސް މެންބަރުން ވެސް ބައިވެރިވެ އެވެ.
ޓެރަރިޒަމްގެ ކުށް ސާބިތުވާ ކަމަށް ކަނޑައަޅައި ޝެއިޚް އިމްރާން 12 އަހަރަށް ޖަލަށް ލުމަށް ޙުކުމްކޮށްފައިވާ އިރު، އެ މަނިކުފާނުގެ ޝަރީޢަތަކީ ބޭއިންސާފު ޝަރީޢަތެއް ކަމަށް ބުނެ ބައިނަލްއަޤްވާމީ މުޖްތަމަޢު އިން ގެންދަނީ ސަރުކާރަށް ފާޑު ކިޔަމުންނެވެ.
ކްރިމިނަލް ކޯޓުގައި އިމްރާންގެ މައްސަލަ ބެއްލެވި، ގާޒީ ބާރީ އިމްރާންގެ މައްޗަށް 12 އަހަރުގެ ޖަލު ހުކުމެއް އިއްވާފައި ވަނީ އެމަނިކުފާނުގެ މައްޗަށް އެއްވެސް ކަމެއް ސާބިތުނުވަނީސް، ގާޒީ ބާރީ އަށް އިމްރާން ކުށްވެރިވާ ކަމަށް "ޤަބޫލު ކުރެވޭތީ" އެވެ.