އެޕަލް އައިފޯން އެސްއީ އުރީދޫން މިއަދު ރާއްޖޭގައި ލޯންޗުކޮށްފި އެވެ.
މިއަދު އެ ފޯން ލޯންޗް ކުރި އިރު، ޕްރި އޯޑަ ކުރި ކަސްޓަމަރުންނަށް މިއަދު ވަނީ ފޯން ދޫވެސްކޮށްފަ އެވެ.
އައިފޯން އެސްއީ އަށް އުރީދޫން ތައާރަފުކޮށްފައިވާ ޕެކެޖްތަކުގެ ތެރޭގައި، ހިލޭ ކޯލް އަދި 12 ޖީބީގެ ހިލޭ ޑޭޓާ ހިމެނޭ ފުލްޕޭމަންޓް އޮފައެއް ވެސް ހިމެނެ އެވެ.
އައިފޯން އެސްއީގެ 16 ޖީބީގެ ފޯނެއް ވިއްކަނީ 7،849ރ. އަށެވެ. އެސްއީގެ 64 ޖީބީގެ ފޯނެއްގެ އަގަކީ 9،699ރ. އެވެ.
އުރީދޫން ބުނީ އައިފޯން އެސްއީ ގަންނަން ބޭނުންވާ ފަރާތްތަކަށް، އަހަރު ދުވަހަށް ބަހާލައިގެން ފައިސާ ދެއްކޭނެ ޕެކެޖެއް ވެސް ތައާރަފުކޮށްފައިވާ ކަމަށެވެ. އަދި 1،999ރ. ގެ ޑައުންޕޭމަންޓެއް ހިމެނޭ އިންސްޓޯލްމަންޓް ޕެކެކް މެދުވެރިކޮށް، އައިފޯން އެސްއީގެ 16 ޖީބީގެ ފޯން މަހަކު 499ރ. އަށް ލިބިގެންދާ އިރު، އެމޮޑެލްގެ 64 ޖީބީގެ ފޯނު ލިބޭނީ މަހަކު 649ރ. އަށެވެ.
ޕޯސްޓްޕެއިޑް 499، ފޯސްޓްޕެއިޑް 549، ޕޯސްޓްޕެއިޑް 749 އަދި ޕޯސްޓްޕެއިޑް 999 ޕެކޭޖާ އެކު، އިންސްޓޯލްމަންޓް ޕްލޭން މެދުވެރިކޮށް، އައިފޯން އެސްއީ ގަންނަން ބޭނުންވާ ކަސްޓަމަރުންނަށް އަންލިމިޓެޑް ކޯލް، އަންލިމިޓެޑް އެސްއެމްއެސް، އަދި 10 ޖީބީ އާއި ހަމައަށް ޑޭޓާ ވެސް މުޅިން ހިލޭ ލިބޭނެ އެވެ.
އަދި ވަރަށް ފުރިހަމަ އައިޑީޑީ އޮފާތަކެއްވެސް ލިބޭނެ ކަމަށް އުރީދޫން ބުންޏެވެ.