ރާއްޖެ ޓީވީގެ ޒުވާން ނޫސްވެރިޔާ މުހައްމަދު ވިސާމް (ސަމްޕަތު) ގެ މައްޗަށް ދެ ދައުވާއެއް ދައުލަތުން އުފުލައިފި އެވެ.
އޭނާއަކީ މިދިޔަ އާދީއްތަ ދުވަހު ވެސް ނޫސްވެރިން ކުރި އިހުތިޖާޖުގައި ބައިވެރިވެގެން ހައްޔަރުކޮށް ދޫކޮށްލި ނޫސްވެރިއެކެވެ.
މީގެ އިތުރުން ވިސާމަކީ ނޫސްވެރިކަމުގެ ތެރޭގައި އުޅެނިކޮށް ތަފާތު ތުހުމަތުތަކެއްކޮށް، އެކި ފަހަރުމަތިން ހައްޔަރު ކުރި ނޫސްވެރިއެކެވެ.
ވިސާމްގެ މައްޗަށް ދައުލަތުން އުފުލާފައި ވަނީ، ގާނޫނު ތަންފީޒު ކުރާ މުއައްޒަފެއްގެ މަސައްކަތަށް ގަސްދުގައި ހުރަސް އެޅުމުގެ ދައުވާ އާއި ފުލުހުންގެ ދައުރު އަދާކުރުމަށް ދަތި ކުރުމުގެ ދައުވާ އެވެ.
މި ދެ ދައުވާ އޭނާގެ މައްޗަށް އުފުލައި، ގާނޫނު ތަންފީޒު ކުރާ މުއައްޒަފެއްގެ މަސައްކަތަށް ގަސްދުގައި ހުރަސް އެޅުމުގެ މައްސަލާގައި އޭނާ އަށް ކޯޓަށް ހާޒިރު ވާން އަންގާފައި ވަނީ މި މަހުގެ 14 ވަނަ ދުވަހު އެވެ.
އަދި ފުލުހުންގެ ދައުރު އަދާ ކުރުމަށް ދަތި ކުރުމުގެ މައްސަލާގައި ކޯޓަށް ހާޒިރު ވާން އަންގާފައި ވަނީ މި މަހުގެ 17 ވަނަ ދުވަހު އެވެ.