ކުރީގެ ޑިފެންސް މިނިސްޓަރު މުހައްމަދު ނާޒިމްގެ ބޭސް ފަރުވާ އަށް ސިންގަޕޫރަށް ދިޔުމަށް ދިން 21 ދުވަސް މިއަދު ހަމަވުމުން ދީފައިވާ މުއްދަތު އިތުރުކޮށް ދޭން އެދި ނާޒިމްގެ އާއިލާ އިން ކަރެކްޝަންސްގައި އެދިއްޖެ އެވެ.
ނާޒިމަށް ދިން 21 ދުވަސް ދިން ނަމަވެސް އެ މުއްދަތު ހަމަނުވަނީސް ކަރެކްޝަންސް އިން ވަނީ މިދިޔަ ހޮނިހިރު ދުވަހު ނާޒިމް އެނބުރި ރާއްޖެ އަންނަން ޖެހޭނެ ކަމަށް ބުނެ ވެސް ބުނެފަ އެވެ. އެކަމަކު އޭނާ ނާޒިމް ރާއްޖެ އައިސްފައެއް ނުވެ އެވެ.
ކަރެކްޝަންސް އިން މިއަދު ބުނޯީ ނާޒިމްގެ ފަރާތުން ފޮނުވި ސިޓީއެއްގައި ބޭސް ފަރުވާ އަދި ނުނިމޭތީ މުއްދަތު އިތުރުކޮށް ދިނުމަށް އެދިފައިވާ ކަމަށެވެ.
އެކަމަކު މުއްދަތު އިތުރުކޮށް ދިނުމާ ގުޅޭ ގޮތުން އަދި ގޮތެއް ނިންމާފައިނުވާ ކަމަށް ކަރެކްޝަންސް އިން ބުންޏެވެ.
ނާޒިމް 11 އަހަރަށް ޖަލަށް ލާން ކްރިމިނަލް ކޯޓުން ކުރި ހުކުމަށް ހައި ކޯޓުން ވެސް ވަނީ ތާއީދުކޮށްފަ އެވެ. ހައި ކޯޓުގެ ނިންމުން ސުޕްރީމް ކޯޓުގައި އިސްތިއުނާފް ކުރަން އާއިލާ އިން ވަނީ ނިންމައިފަ އެވެ.