ބެޓްމިންޓަން އަމްޕަޔަރުން ތަމްރީނު ކުރުމުގެ ކޯހެއް އައްޑޫގައި ބާއްވަން ނިންމައިފި އެވެ.
މި ކޯހަކީ މޯލްޑިވްސް ނެޝަނަލް އިންސްޓިޓިއުޓް އޮފް ސްޕޯޓްސް އާއި އައްޑޫ ބެޑްމިންޓަން ޑިވެލޮޕްމަންޓް ކޮމިޓީ ގުޅިގެން ބާއްވާ ކޯހެކެވެ.
ކޯސް ކުރިއަށް ގެންދަން ނިންމާފައި ވަނީ މި މަހުގެ 16-25 އަށެވެ. މިއީ ބެޑްމިންޓަން ލެވަލް އެެކެއްގެ ކޯހެކެވެ.
ކޯހުގައި ބައިވެރިވާން ބޭނުންވާ ފަރާތްތަކުން މި މަހުގެ 12 މެންދުރު 12:00 ގެ ކުރިން އެސޯސިއޭޝަންގެ ފޯން ނަންބަރު 3314057 ނުވަތަ އައްޑޫ ބެޑްމިންޓަން ޑިވެލޮޕްމަންޓް ކޮމިޓީ 9700042 ގެ ނަމްބަރަށް ގުޅައިގެން ނަން ނޯޓް ކުރަން ޖެހެ އެވެ.
ކޯހުގައި ބައިވެރިވާން ބޭނުންވާ ދެ ޖިންސްގެ ޒުވާނުންނަށް މި ފުރުސަތު ވަނީ ހުޅުވާލައިފަ އެވެ.