ދިރިއުޅުމުގައި އެކި މީހުން ކާމިޔާބު މީހަކަށް ވަނީ އެކި ގޮތަކަށެވެ. އެއީ ހަމަ އާދައިގެ މީހަކަށް ވިޔަސް އަދި ނުކުޅެދުންތެރި ކަމެއް ހުރި މީހަކު ކަމަށް ވިޔަސް ހަމަ ކަން ހިނގާ ގޮތެވެ.
އެކަމަކު ގިނަ ބަޔަކު ފާހަގަ ކުރާނެ ކަމަކީ ނުކުޅެދުންތެރި ކަމެއް ހުރި މީހެއް ނަަމަ، ތަފާތު ގޮންޖެހުންތަކާއި ހުރަސްތަކާ ކުރިމަތިވާނެ ކަމެވެ. ހުވަފެން ހަގީގަތަކަށް ހަދަން އެފަދަ މީހުންނަށް ލިބޭ ފުރުސަތުތައް ވެސް ވަރަށް ހަންޏެވެ. މި ފަހަރު މި ކިޔައި ދެނީ އެފަދަ ހުރަސްތަކާ އެކު ވެސް، ދިރިއުޅުމުގައި ކާމިޔާބު މީހަކަށް ވެވިދާނެކަން ސާބިތުކޮށް ދިން މީހެއްގެ ވާހަކަ އެވެ.
އޭނާއަކީ ފެނުމުން މަހޫރުވެފައިވާ ޒުވާނެކެވެ. އުފަންވި އިރު މި ދުނިޔޭގެ ހިތްގައިމު ކުލަތައް ބަލާލުމުން އޭނާ ވަނީ މަހުރޫމުވެފަ އެެވެ. އެކަމަކު ލޯފަން މީހަކަށްވުމަކީ އޭނާގެ ހުވަފެންތަކުގައި ކުލަ ޖައްސަން ހުރަސް އެޅުނު ކަމެއް ނޫނެެވެ.
ސްރީކާންތު ބޮއްލާއަކި އިންޑިއާގެ އަންދަރަ ޕްރަދޭޝްގެ ދުރު ހިސާބަށް އުފަންވިި ޒުވާނެކެވެ. އުފަންވި އިރު ވެސް އޭނާއަކީ ލޯފަން ކުއްޖެކެވެ. އެހެންވެ އާއިލާ އަށް ކުރިމަތިވެދާނެ މުސީބާތާއި ބަދު ނަސީބަށްޓަކައި އޭނާ މަރާލުމަށް ވެސް އަވަށްޓެރިން ސްރީކާންތުގެ މައިންބަފައިންނަށް ލަފާ ދިނެވެ.
އެކަމަކު އެ މީހުން އެ މީހުން އެގޮތަަަކަށް ކަންތަކެއް ނުކުރެ އެވެ. ބަދަލުގައި އާއިލާ އިން ބޭނުންވީ އޭނާ އަށް ހިތްވަރުދި ކުރިއަށް ދިއުމަށެވެ. އެގޮތުން އާއިލާ އަށް މަހެއްގެ މައްޗަށް އާމްދަނީގެ ގޮތުގައި ލިބެމުން ދިޔަ 1،600 ރުޕީސް ސްރީކާންތުގ އެކި ކަންކަމަށް ހަރަދު ކުރި އެެވެ.
ކުޑައިރުއްސުރެ ވެސް އޭނާއަކީ ވަރަށް ހިތްއަލި ކުއްޖެކެވެ. ކިޔެވުމަށް މޮޅު ކުއްޖެކެވެ. އެހެންް ނަމަވެސް ނުކުޅެދޭ ކުއްޖަކަށްވާތީ ސްކޫލަކުން ފުރުސަތެއް ލިބުމަކީ ފަަސޭހަ ކަމަކަށް ނުވި އެވެ. އާއިލާ އިން ވަަރަށް މަސައްކަތްކޮށްގެން އޭނާ އަށް އާދައިގެ ސްކޫލަކުން ފުރުސަތު ލިބުނެވެ.
އެކަމަކު ދުވަސްތަކެއް ފަހުން އޭނާ އެ ސްކޫލުން ބޭރުކޮށްލީ އެވެ. ނުކުޅެދޭ ކުއްޖަކަށްވާތީ އެވެ. ވަރަަށް ހާލުގައި އެހެން ނަމަވެސް ވަަރަށް ކާމިޔާބުކަމާ އެކު ސްކޫލް ދައުރު ނިންމާލައިފައި ސްރީކާންތު ދެން ބޭނުންވީ ޔުނިވަސިޓީއަކުން ފުރުސަތު ހޯދާށެވެ. އެގޮތުން އިންޑިއާގެ އައިއައިޓީ ޔުނިވަސިޓީ އަށް ކުރިމަތިލައިގެން ވެސް ފުރުސަތެއް ލިބޭ ގޮތެއް ނުވި އެވެ.
އެހެން ނަމަވެސް ސްރީކާންތު އުންމީދު ކަނޑައެއް ނުލަ އެވެ. އޭނާ އަބަދު ވެސްް ގަބޫލް ކުރާ ހަގީގަތެއް އޮވެ އެވެ. އެއީ މުޅި ދުނިޔެ ކަލެ އަށް ނުވާނޭ ބުންޏަސް، ކުރެވޭނެކަން ދެއްކުމެވެ.
އުފަން ގައުމު އިންޑިއާ އިން މަތީ ތައުލީމަށް ފުރުސަތު ނުލިބުނު ނަމަވެސް، ސްރީކާންތު މުޅިން އުންމީދު ގެއްލުވައެއް ނުލަ އެވެ.
ނަތީޖާއަކަށްވީ އެމެރިކާގެ މެސެޗޫޓެސް އިންސްޓިއުޓް އޮފް ޓެކްނޮލޮޖީ (އެމްއައިޓީ) އިން އޭނާ އަށް ފުރުސަތު ލިބުމެވެ. އޭނާވެގެން ދިޔައީ އެ ޔުނިވަސިޓީން ފުރުސަތު ލިބުނު ފުރަތަމަ ލޯފަން ޒުވާނާއަށެވެ.
އެމްއައިޓީގައި ކިޔެވި އިރު ވެސް ސްރީކާންތުގެ އަޒުމެއް އަބަދު ވެސް އޮވެ އެވެ. އެއީ އޭނާ ފަދަ ލޯފަން މީހުންނަށާއި އެ ނޫން ވެސް ނުކުޅެދުންތެރިކަން ހުންނަ ފަރާތްތަކަށް ތައުލީމާއި ވަޒީފާގެ ފުރުސަތުތައް ހޯދައި ދިނުމެވެ.
އެމެރިކާގައި ކިޔެވުން ނިންމާލައިފައި އިންޑިއާ އަށް އެނބުރި އައިސް ސްރީކާންތު ފެށި މަސައްކަތަކީ އެއީ އެވެ. ނުކުޅެދުންތެރިކަން ހުން ފަރާތްތަކަށް ހާއްސަކޮށްގެން ހައިދަރްއާބާދުގައި ބޮއްލަންޓް އިންޑަސްޓްރީޒްގެ ނަމުގައި އޭނާ ކުންފުންޏެއް ހިންގަން ފެށި އެވެ. އެތަނުން ކުރާ މަަސައްކަތަކީ ތިމާވެއްޓާ ތައްޓެހި ކޮންޒިއުމާ ޕެކެޖިންގެ މަސައްކަތެވެ.
ސްރީކާންތުފެ ބޮއްލަންޓް ކުންފުންޏަކީ މިހާރު ތަފާތު އެތައް ބާވަތެއްގެ ނުކުޅެދުންތެރިކަން ހުންނަ މީހުން ވަޒީފާ އަދާ ކުރާ އަދި މުޅި ކުންފުނީގެ މިލްކިއްޔާތު 50 ކްރޯޑް ރުޕީސް އަށް އަރާފައިވާ ކާމިޔާބު ކުންފުންޏެެކެވެ. އޭނާފެ ފަހަތު ނަމަށް ނިސްބަތްވާ ގޮތަށް އުފެއްދި ބޮއްލަންޓް އިންޑަސްޓްރީޒްގެ ސީއޯއަކީ މިހާރު ސްރީކާންތު އެވެ.
އުމުރުން އެންމެ 23 އަހަރުގައި ސްރީކާންތު މި ހޯދި ކާމިޔާބީން ދައްކުވައި ދެނީ ނުކުޅެދޭ މީހަކަށްވުމަކީ، ދުނިޔޭގެ އުފާތަކާއި ކާމިޔާބީއަކީ ވަކި ބަޔަކަށް ހާއްސަ އެއްޗެއް ނޫން ކަމެވެ.
މަސައްކަތްކޮށްފި ނަމަ ކޮންމެ މީހަކަށް ވެސް ކާމިޔާބު މީހަަކަށް ވެވިދާނެ ކަމެވެ. އެއީ ކުޅެދޭ މީހަކަސް ނުކުޅެދޭ މީހަކަސް ކަން އޮތް ގޮތެވެ.
"އަހަރެން މުޅި އުމުރަށް އަހަރެންގެ މައިންބައިންނަށް ޝުކުރު އަދާ ކުރާނަން. ހުރި އުނި ސިފަތަކާ އެކު ވެސް އަހަރެން މިހާ ކާމިޔާބު މީހަކަށްވީ އަަހަރެންގެ މައިންބަފައިން އަހަންނަށް ކިޔަވައި ދޭން ކުރި މަަަަސައްކަތުގެ ސަބަބުން،" ސްރީކާންތު ބުންޏެވެ. "އަހަންނަށް މިހާރު އިހުސާސް ކުރެވެނީ އަހަންނަކީ ދުނިޔޭގައި ހުރި އެންމެ ފުރިހަމަ މީހާ ކަމަށް. އެންމެ އުފާވެރި މީހާ ކަމަށް."
އެޑިޓަރުގެ ނޯޓް: މިއީ "ދަ ލޮޖިކަލް އިންޑިއަން" ގައި ޝާއިއުކޮށްފައިވާ އާޓިކަލެއްްގެ ތަރުޖަމާއެއް