ރާއްޖޭގެ ސްވެރިންނަށް ޖިނާއިީ ދައުވާ ކުރާތީ ކަންބޮޑުވާކަމަށާއި، މިނިވަން ނޫސްވެރިކަަމަށް އެއްބާރުލުން ދިނުމަށް ދައުލަތުގެ ކަމާބެހޭ މުއައްސަސާތަކަށް ގޮވާލާކަމަށް މޯލްޑިވްސް ބްރޯޑްކާސްޓިން ކޮމިޝަން (އެމްބީސީ) ބުނެފިއެވެ.
ރާއްޖޭ ޓީވީގެ ތިން ނޫސްވެރިއެއްގެ މައްޗަށް ޖިނާއީ ދައުވާ އުފުލާފައިވާތީ، ބްރޯޑްކޮމް އިން މިއަދު ނެރުނު ބަޔާނުގައި ބުނެފައިވަނީ، ރާއްޖޭގެ ބްރޯޑްކާސްޓިންގ ސްޓޭޝަންތަކުގައި މަސައްކަތްކުރާ ބައެއް ނޫސްވެރީންނަށް ޖިނާއީ ދައުވާތައް އުފުލެމުންދާ ކަމުގެ މަޢުލޫމާތު މީޑިއާގެ ޒަރިއްޔާއިން އެ ކޮމިޝަނަށް ލިބެމުންދާ ކަމަށެވެ.
އެހެންވެ މިއީ، ބްރޯޑްކާސްޓަރުންގެ ބެލެނިވެރި ފަރާތުގެ ހައިސިއްޔަތުން، މޯލްޑިވްސް ބްރޯޑްކާސްޓިންގ ކޮމިޝަނުން ކަންބޮޑުވާ ކަމެއްކަމަށް އެކޮމިޝަނުން ބުންޏެވެ.
އެ ކޮމިޝަނުން ވަނީ ބްރޯޑްކާސްޓަރުން އެ ފަރާތްތަކުގެ ޒިންމާ އަދާ ކުރަމުން ގެންދާ އިރު ހުރިހާ އިރެއްގައި ވެސް، ބްރޯޑްކާސްޓް ކުރުމުގެ ޤާނޫނާއި ބްރޯޑްކާސްޓް ކުރުމުގެ ކޯޑް އޮފް ޕްރެކްޓިސް އާއި ކޯޑް އޮފް ޕްރެކްޓިސްގެ ދަށުން އެކުލަވާލާފައިވާ ގައިޑްލައިންތަކަށް ފުރިހަމައަށް ތަބާވުމަށާއި ޒިންމާދާރުވުމަށް ވެސް އިލްތިމާސްކޮށްފަ އެވެ.
ބްރޯޑް ކޮމް އިން ބުނީ ޤާނޫނު އަސާސީން ކަށަވަރުކޮށްދޭ ނޫސްވެރިކަމުގެ މިނިވަން ކަމަށް ދައުލަތުގެ ހުރިހާ މުއައްސަސާތަކަކުން އެއްބާރުލުން ދެއްވުމަށް ކަމާބެހޭ އެންމެހާ މުއައްސަސާތަކަށް ގޮވާލާ ކަމަށެވެ.