ސަރުކާރު ހިންގާ ކޯލިޝަނުގައި ހިމެނޭ ޕާޓީ މޯލްޑިވްސް ޑިވެލޮޕްމަންޓް އެލައަންސް (އެމްޑީއޭ) ގެ ނައިބް ލީޑަރު އައިޝަތު ރަފިއްޔާ އަށް ބައިނަލްއަގްވާމީ އެވޯޑެއް ލިބިއްޖެ އެވެ.
މެލޭޝިއާގައި މިއަދު ބޭއްވި ގޯލްޑަން ގްލޯބް ސަމިޓްގައި ރަފިއްޔާ އަށް ލިބިވަޑައިގެންނެވީ ގޯލްލްޑަން ގްލޯބް ޓައިގާ އައުޓްސްޓޭންޑިންގް ވިމެން ލީޑަޝިޕް އެވޯޑެވެ. މިއީ މި އެވޯޑް ދިވެއްސަކަށް ލިބުނު ފުރަތަމަ ފަހަރެވެ.
ކުރީގެ ފިލްމީ ތަރި އިސްމާއީލް ހިލްމީގެ އަންހެނުން ރަފިއްޔާ މިއަދުު ވިދާޅުވީ އެވޯޑު ލިބުމުން ވަރަށް ބޮޑަަށް އުފާވެއްޖެ ކަމަށެވެ.
އޭނާ ވިދާޅުވީ އެ އެވާޑަކީ އަންހެނުން ބާރުވެރި ކުރުވަން އޭނާ ކުރައްވާ މަަސައްކަތުގެ އަގު ވަޒަންކޮށް ބައިނަލްއަގްވާމީ އެވޯޑެއް ލިބުމަކީ ރާއްޖޭގެ ޒުވާނުންނާއި އަންހެނުން ބާރުވެރި ކުރުމަށް ކުރާ މަސައްކަތުގައި އިސްނަގާ މީހުން ގިނަވާނެ ކަމެއް ކަމަށެވެ.
އަދިއެ އެވޯޑަކީ މަތީ ފެންވަރުގެ އެވޯޑެއް ކަމަށް ގަބޫލުފުޅު ކުރައްވާ ކަމަށް ރަފިއްޔާ ވިދާޅުވި އެވެ.
ޓައިގާ އެވޯޑް ގިނަ ދާއިރާތަަކަކަށް ހާއްސަކޮށްފައިވާއިރު އޭގެ ތެރޭގައި ތައުލީމާއި ލީޑަޝިޕް، ތިމާވެށި، އިޖުތިމާއީ ދާއިރާ، ވިޔަފާރި އާއި އިގްތިސާދީ ދާއިރާތައް ފަދަ ދާއިރާތައް ހިމެނެ އެވެ.
އަންހެނުންނާއި ޒުވާނުން ބާރުވެރިކޮށް ހަރުދަނާ ބަޔަކަށް ހެދުމަށް ބައިނަލްއަގުވާމީ ފެންވަރުގައި މަސައްކަތް ކުރުމަށް ރަފިއްްޔާ ވަނީ ރީޖަނަލް އެލަޔަންސް ފޯ ފޮސްޓަރިން ޔޫތު (ރަޕީ) ގެ ނަމުގައި ޖަމިއްޔާއެއް ވެސް އުފައްދަވައިފަ އެވެ.