އިދިކޮޅު އެމްޑީޕީ އާއި ސަރުކާރު ހިންގާ މައި ޕާޓީ ޕީޕީއެމުން އަންނަ ބުރާސްފަތި ދުވަހުގެ ރޭ އައްޑޫގައި ޖަލްސާތަކެއް ބާއްވަން ނިންމައިފި އެވެ.
"ވަގު ޔަގީން" ގެ ނަމުގައި އެމްޑީޕީން ބާއްވާ ޖަލްސ ކުރިން ތާވަލް ކުރީ މިފޮޔަ ހަފުތާގެ ބުރާސްފަތި ދުވަހުގެ ރެއަށެވެ. އެހެން ނަމަވެސް އެ ޖަލްސާ އޮންނާނީ އަންނަ ބުރާސްފަތި ދުވަހުގެ ރޭ ކަަމަށް އެ ޕާޓީން ބުންޏެވެ.
ޖަލްސާ އޮންނާނީ ފޭދޫ ލިންކް ރޯޑްގައި ހުންނަ އެމްޑީީޕީގެ އޮފީސް ކުރިމަތީގަ އެވެ. މި ޖަލްސާގައި އެމްޑީޕީގެ ލީޑަޝިޕްގެ ބޭފުޅުންނާއި އެ ޕާޓީގެ މަޖިލިސް މެމްބަރުން ވެސް ބައިވެރިވެވަޑައިގަންނަވާނެ އެވެ.
ސަރުކާރު ހިންގާ ޕީޕީއެމުން "އައްޑޫ ބޮޑު ޖަލްސާ" ގެ ނަމުގައި ބާއްވާ ޖަލްސާ ވެސް އޮންނާނީ ފޭދޫގަ އެވެ. އެ ޖަލްސާ އޮންނާނީ ޕީޕީއެމުން މިހާރު "ހިސޯރުކޮށްގެން" އުޅޭ އެ ޕާޓީގެ ފޭދޫ އޮފީހުގެ ކުރިމަތިން އޮތް ހިއްކި ބިމުގަ އެވެ.
އެ ޕާޓީން ބުނީ ޖަލްސާގައި ޕާޓީގެ ގިނަ އަދަދެއްގެ މަޖިލިސް މެމްބަރުންނާއި ބައެއް ވަޒީރުން ވެސް ބައިވެރިވެވަޑައިގަންނަވާނެ ކަމަށެވެ. އެ ޖަލްސާ އަށް މިހާރު ފޭދޫގައި އަންނަނީ ތައްޔާރީތައްވަމުންނެވެ.