ގައުމީ އެއާލައިން މޯލްޑިވިއަނުން ކެބިން ކްރޫން ހޯދަން އިއުލާންކޮށްފި އެވެ.
އެ ކުންފުނިން ބުނީ ކެބިން ކްރޫންނަށް ވާން ޝައުގުވެރިވާ ދެ ޖިންސްގެ ޒުވާނުންނަށް ހާއްސަކޮށްގެން މި މަހުގެ 23 ވަނަ ދުވަހު ވޯކް އިން އިންޓަވިއުން ސެޝަނެއް ކުރިއަށް ގެންދަން ނިންމާފައިވާ ކަމަށެވެ.
މިކަން ކުރިއަށް ދާނީ މޫކައި ސުއިޓްސްގައި 23 ވަނަ ދުވަހު ހެނދުނު 9:00 އިން ހަވީރު 5:00 އަށެވެ.
މޯލްޑިވިއަނުން ބުނީ އިންޓަވިއު އަށް ދާ އިރު، ސީވީ އާއި ޕާސްޕޯޓް ފޮޓޯއެއްގެ އިތުރުން އިސްކޮޅު އެއްކޮށް ދައްކުވައިދޭ ފޮޓޯއެއް ގެންނަން ޖެހޭނެ ކަމަށެވެ.
މިކަމާ ބެހޭ އިތުރު މައުލޫމާތު 3331262 އަދި 3331292 އަށް ގުޅުމުން ލިބޭނެ އެވެ.