ރާއްޖޭގެ ފުޓްބޯޅައިގެ މައި އިދާާރާ ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސްގެ މަގާމަށް އެފްއޭއެމްގެ ނޮމިލައިޒޭޝަން ކޮމެޓީގެ ކުރީގެ ޗެއާމަން އަދި އޮލިމްޕިކް ކޮމިޓީގެ ރައީސް މުހައްމަދު ޝަވީދު އަނެއްކާ ވެސް ކުރިމަތިލާން ނިންމައިފި އެވެ.
އައްޑޫ މަރަދޫފޭދު އަށް ނިސްބަތްވާ ޝަވީދު އެކަން އިއުލާން ކުރީ އޮލިމްޕިކް ކޮމިޓީން މިއަދު ބޭއްވި ނޫސްވެރިންގެ ބައްދަލުވުމެއްގަ އެވެ.
ޝަވީދް ބުނީ އޮލިމްޕިކް ކޮމިޓީގެ އިސް މަގާމެއްގައި ހުރެ އެހެން އެސޯސިއޭޝަނެއްގެ މަގާމަގަށް ކުރިމަތިލުމަކީ އެއްވެސް ގާނޫނަކުން މަނާކުރާ ކަމެއް ނޫން ކަމަށެވެ.
އެހެންވެ އަލުން ކުރިމަތިލާ ގޮތަށް ނިންމީ ކަމަށް އޭނާ ބުންޏެވެ.
އެފްއޭއެމްގެ ރައީސް ކަމަށް ވާދަ ނުކުރާނެ ކަމަށް ޝަވީދު ފުރަތަމަ އިއުލާން ކުރީ މިދިޔަ ފެބްރުއަރީ، 6، 2016 ގަ އެވެ.
ޝަވީދް އެފްއޭއެމްގައި ހުންނެވި އިރު ކުލަބްތަކާއި ކުޅިވަރާ ބެހޭ މިނިސްޓަރު އަހުމަދު ޒުހޫރާ ދެމެދު ބޮޑެތި ހިޔާލު ތަފާވުންތަކެއް އުފެދިފައިވެ އެވެ.