މިފްކޯ އަށް މަސް ނުކިރިގެން އައްޑޫ މަސްވެރިންތަކެއް މިއަދު ނުރުހުން ފާޅުކޮށް އިހްތިޖާޖުކޮށްފި އެވެ.
މިއަދު މެންދުރު ފަހު 3:00 އިން ފެށިގެން ކޫއްޑޫގައި މަސްވެރިން މަސް ކިރަން ފެށުމާ އެކު ކިޔު ތަރުތީބެއް ނެތި ދޯނިތަކުން މަސް ކިރަމުން ފުރަތަމަ ގޮސްފައި ވަނީ ހޮރައިޒަންގެ ބޯޓަށް ކަމަށް އެނގިފައިވެ އެވެ.
ހިތްހަމަނުޖެހިފައި ހުރި މަސްވެރިއަކު ބުނީ މިފްކޯ ބޯޓް ދިއުމުން ހޮރައިޒަން ބޯޓް އެތަނުން ގޮސްފައިވާ ކަމަށެވެ.
އެހެން ނަމަވެސް އޭގެ ފަހުން މިފްކޯ ބޯޓަށް ވެސް ކިޔު ތަރުތީބެއް ނެތި މަސް ކިރަމުން ގޮސް އައްޑޫ ދޯނިތައް މަސް ކިރަން ޖެހުމުން، އެ ދޯނިތަކަށް މަސް ކިރުވޭނީ ހުވަދޫގެ ދޯނިތަކުން މަސް ކިރާ ނިމުމުން ކަމަށް ބޯޓުގެ ކެޕްޓަން އެންގި ކަމަށް މަސްވެރިން ބުންޏެވެ.
މިކަމާ ގުޅިގެން މަސްވެެރިން ހިތްހަމަނުޖެހިގެން އިހުތިޖާޖު ކުރަން ފެށީ ކަަމަށް މަސްވެރިން ބުންޏެވެ.
މި މައްސަލާގައި އައްޑޫ މަސްވެރިން ވަނީ ނުރުހުން ފާޅުކޮށް، ތަފާތު ކުރުން ނުގެންގުޅުމަށާއި ހުރިހާ ދޯނި ފަހަރުތަކަށް ވެސް ހަމަހަމަކަމާ އެކު މަސް ކިރުވޭނެ ކަމަށް ބުނެ އަޑު އުފުލައިފަ އެވެ.