މޭވާތަކުގެ ތެރެއިން ޕެއާސްއަކީ ވެސް ފައިދާތައް ގިނަ މޭވާއެކެވެ. މިއީ ރާއްޖޭހައި ހެއްދޭ ބާވަތެއް ނޫން ނަމަަވެސް، އާންމުކޮށް މިހާރު ޕެއާސް ބާޒާރުން ގަންނަން ލިބެ އެވެ. އެހެންވެ މި މޭވާ ވެސް ބޭނުން ކުރާށެވެ.
މީގެ ފައިދާތަކަށް ބަލާ އިރު ޕެއާސްއަކީ ލޭގެ ޕްރެޝަރު ހަމައަކަށް އަޅުވައިދޭ، ހިތުގެ މަސައްކަތްތަކަށް ވެސް އެހީތެެރިވެދޭ މޭވާއެވެ.
އޭގެ އިތުން ޑައިބެޓީސް 2 ފަދަ ބަލިތަކުން ރައްކާތެރިކޮށް ދިނުމަށް ވެސް ޕެއާސްއަކީ ބޮޑު ރޯލެއް އަދާ ކުރާ މޭވާއެކެވެ. އެހެންވެ ޕެއާސް ކާން އާދަ ކުރާށެެވެ.
ހާއްސަކޮށް އުމުރުން ދުވަސްވީ މީހުން މި މޭވާ ކެއުމަކީ ސިއްހީ ގޮތުން އެތައް ފައިދާތަކެއް ލިއްބައި ދޭނެ ކަމެެކެވެ.
ތަޖުރިބާކާރުން ބުނާ ގޮތުގައި ދުވާލެއްގެ މައްޗަށް މަދުވެގެން އެއް ޕެއާސް ކާ ނަމަ، ހަށިގަނޑަށް އެ ލިބެނީ ދުވާލަކަށް ބޭނުންވާ ފައިބަރުގެ 24 ޕަސެންޓެވެ.
ޕެއާސްއަކީ ގިނަ އަދަދަަކަށް ވިޓަމިން ސީ ވެސް އެކުލެވިގެންވާ މޭވާއެކެވެ.