ދިވެހި ގައުމީ ފުޓުބޯޅަ ޓީމުގެ 19 އަހަރުން ދަށުގެ ޓީމުގެ ކުޅުންތެރިޔާ ނާއިލް އަހުމަދު ނާހިދު ކަރަންޓުގައި ޖެހިގެން މަރުވެއްޖެ އެވެ.
"އައްޑޫ ލައިވް" އަށް އެނގިފައިވާ ގޮތުން މި ހާދިސާ ހިނގާފައި ވަނީ މިއަދު ފަތިހުގެ ވަގުތެއްގައި ސްރީ ލަންކާގަ އެވެ.
ނާއިލް މަރުވީ ބެލްކަނިން ގޭތެރެއަށް ވަންނަން އުޅުމުގެ ތެރޭގައި އަރިއަޅާލައިގެން ގޮސް ކަރަންޓް ވާގަނޑެއްގައި ހިފުމުގެ ސަބަބުން ކަރަންޓުގައި ޖެހިގެންނެވެ.
ނާއިލަކީ 19 އަހަރުން ދަށުގެ ގައުމީ ޓީމުގެ އެންމެ މޮޅު ޑިފެންޑަރެވެ.