ފޭދޫ ބިން ހިއްކަން ފެށުމަށް ބޭނުންވާ ސާމާނު މިއަދު އައްޑު އަށް ގެނައުމުގެ މަސައްކަތް ފަށައިފި އެވެ.
ބިން ހިއްކަން ފެށުމުގެ ކުރިން ޖަހަން ޖެހޭ ބަންޑްވޯލް ފެދޫ ހުޅަނގު ދެކުނު ފަރާތުގައި ޖަހައި މިހާރު ވަނީ ނިންމައިފަ އެވެ.
އައްޑޫގައި ހުންނަވާ ހައުސިން މިނިސްޓްރީގެ ކޯޑިނޭޓަރު މުހައްމަދު ފައިސަލް މިއަދު "އައްޑޫ ލައިވް" އަށް ވިދާޅުވީ ބިން ހިއްކަން ބޭނުން ކުރާ ހޮޅިތަކާއި މެޝިނަރީތަކުގެ ފުރަތަމަ ޝިޕްމަންޓާ އެކު އައި އުޅަނދު މިހާރު އައްޑު އަށް ވަަދެފައިވާ ކަމަށެވެ.
"ހުރިހާ ސާމާނެއް ކުރިއަށް އޮތް ތިން ވަރަކަށް ދުވަހުގެ ތެރޭގައި ލިބުމާ އެކު، އެތަކެތި އެސެމްބަލް ކުރަން ފަށާނެ،" އޭނާ ވިދާޅުވި އެވެ. "އެސެމްބަލް ކުރަން ގާތްގަނޑަކަށް ދެ ހަފުތާއެއްހާ ދުވަސް ނަގާނެ. އެ މަަަސައްކަތް ނިމޭހާ ތަނަކަށް ބިން ހިއްކާ ބޯޓް އައިސް މަަަސައްކަތް ފަށާނެ."
ފައިސަލް ވިދާޅުވީ ހުޅަނދު ދެކުނު ފަރާތުގައި ބަންޑްވޯލް ޖަހައި ނިމިފައިވާ އިރު، މިއަދު ނޫނީ މާދަމާ ފޭދޫ ދެކުނު ފަރާތުގައި ބަންްޑްވޯލް ޖެހުމުގެ މަސައްކަތް މި މަޝްރޫއު ހިންގާ ނެދަލެންޑްގެ އައް ނޫރް ކުންފުނިން ފަށާނެ ކަމަށެވެ.
ފޭދޫން ޖުމްލަ 64 ހެކްޓަރުގެ ބިން ހިއްކަން ވަނީ ނިންމައިފަ އެވެ.
ބިން ހިއްކުމުގެ މަސައްތާ ބެހޭ ގޮތުން ފޭދޫ އަވަށު އޮފީހުގައި މިއަދު މެންދުރު ފަހު ކަމާ ބެހޭ އެކި ފަރާތްތަކާ އެކު ބައްދަލުވުމެއް ބާއްވަން ވެސް ހަމަޖެހިފައިވެ އެވެ.