ކިރަކީ ދިވެހިންނާ ހަމަ ވަރަށް ރައްޓެހި ބާވަތެކެވެ. ކިރު ސައި ބުއިމާއި ކިރު ކޮފީއަކީ ދިވެހިންގެ ތެރޭގައި އެންމެ މަގުބޫލު ބުއިންތަކުގެ ތެރޭގައި ހިމެނޭ ބުއިންތަކެވެ.
ކިރަކީ ހަށިގަނޑަށް ކިތަންމެ ފައިދާ ހުރި އެއްޗަކަށްވި ނަމަވެސް ކަމާކަން ފަށާފައި ވަނީ ސީދާ ކިރު ބޯ މީހުން އެހާ ގިނައެއް ނޫނެވެ.
އެކަމަކު ތަޖުރިބާކާރުބް ވިދާޅުވަނީ ދުވާލެއްގެ މައްޗަށް މަދުވެގެން އެއް ތަށި ކިރު އިންސާނަކަށް ބޭނުންވާ ކަމަށެވެ.
އެެެހެންވެ ދުވާލުގެ ކޮންމެވެސް ވަގުތެއްގައި ކިރު ތައްޓެއް ބޮވޭތޯ ބަލާށެވެ. ނިދުމުގެ ކުރިން ކިރު ތައްޓެއް ބޯލުމަކީ ވެސް އެތައް ގޮތަކުން ފައިދާ ކުރާ ކަމެކެެވެ.
އޭގެ ސަބަބުން ތަފާތު އެތައް ފައިދާއެއް ކުރެ އެވެ. އެ ލިސްޓަށްދާ ނަމަ ކިރަކީ ހަށިގަނޑުގެ ކަށިތައް ވަރުގަދަކޮށްދީ، ދަތްފިލަ ފަނި ކެއުން ފަދަ މައްސަލަތަކުން ދުރުކޮށްދީ ހިރުގަނޑު ވެސް ވަރުގަދަކޮށްދޭ އެއްޗެކެވެ.
ކިރަކީ ގިނަ އަދަކަށް ކެލްސިއަމް އާއި ޕްރޮޓީން ވެސް އެކުލެވޭ އެއްޗަކަށްވުމާ އެކު އެއީ ގައިގެ މަސްތައް ވެސް ވަރުގަދަކޮށްދޭ އެއްޗެކެވެ.
ހަމަ މިއާ އެކު ކިރު ބޯ ނަމަ، ހަންގަނޑަށް ރީތިވެ، އުޖާލަކަން ގެނުވައި ދެ އެވެ.
ކިރުގެ ފައިދާތަކަށް ބަލާ ނަމަ އެއީ މީހާގެ ސްޓްރެސް ލެވެލް ވެސް ކުޑަކޮށްދޭ އެއްޗެކެވެ. ވަރުބަލިކަން އިހުސާސް ކުރެވި، ހަށިގަނޑަށް ލޮޑުކަން އިހުސާސް ކުރެވޭ ނަމަ ކިރު ތައްޓެއް ބޯލުމަކީ ވަރަށް ރަނގަޅު ފަރުވާއެކެވެ.