ދޫނިދޫ ޖަލުގެ ގޮޅިއެއްގައި ގައިދީން ބަނޑުހައިހޫނުކަމުގެ ހަޅުތާލެއް ކުރަަން ފަށައިފި އެވެ.
"އައްޑޫ ލައިވް" އަށް އެނގިފައިވާ ގޮތުން ދޫނިދޫ ތިން ނަމްބަރުގައި ގައިދީން ބަނޑުހައިހޫނުކަމުގެ ހަޅުތާލު ކުރަމުންދާތާ މިހާރުވަނީ ތިން ދުވަސްވެފަ އެވެ.
ހަޅުތާލު ކުރުމާ ގުޅިގެން ތިން ނަމްބަރު ގޮޅީގައި ތިބި ގައިދީން ވަކިވަކިން އެހެން ގޮޅިތަކަށް މިހާރު ބަދަލުކޮށްފައިވާ ކަމަށްވެ އެވެ.
މީގެ އިތުރުން ހަޅުތާލުގައި އިސްކޮށް ހަރަކާތްތެރިވި ގައިދީންގެ ތެރެއިން ބައެއް މީހުން މިހާރުވަނީ މާލެވެސް ބަދަލުކޮށްފަ އެވެ.
މި ހަޅުތާލުގައި 30 އަށް ވުރެ ގިނަ ގައިދީން ބައިވެރިވަމުންދާ ކަމަށް އެނގިފައިވެ އެވެ.