ދިރާގުގެ ފިކްސްޑް ބްރޯޑްބޭންޑް ހިދުމަތް ބޭނުން ކުރާ ހުރިހާ ކަސްޓަމަރުންނަށް 25 ޕަސެންޓްގެ އިތުރު ޑާޓާ އެލަވަންސެއް މި މަހާއި ކުރިއަށް އޮތް މަހުގައި ދޭން ނިންމައިފި އެވެ.
އެ ކުންފުނިން ނެރުނު ނޫސް ބަޔާނެއްގައި ބުނީ ފިކްސްޑް ބްރޯޑްބޭންޑް ބޭނުން ކުރާ ކަސްޓަމަރުންނަށް މި މަހުގެ އެލަވަންސްގެ ގޮތުގައި ބޭނުން ކުރާ ޕެކެޖްގެ 25 ޕަސެންޓް އިތުރަށް ދީފައި ކަމަށެވެ.
އަދި އަންނަ މަހު އިތުރު 25 ޕަސެންޓް އެލަވަންސް ލިބޭނެ ކަމަށް ވެސް ދިރާގުން ބުންޏެވެ.
"ދިރާގު ބިގް ބައިޓް ގިފްޓް" ގެ ނަމުގައި ދޭ އެ އިތުރު އެލަވަންސަކީ ދިރާގުގެ ފިކްސްޑް ބްރޯޑްބޭންޑް ކަނެކްޝަން ބޭނުން ކުރާ ހުރިހާ ކަސްޓަަމަރުންނަށް ދޭ ހިދުމަތެކެވެ. އޭގެތެރޭގައި ކުންފުނިތަކާއި އަމިއްލަ ފަރާތްތައް ވެސް ހިމެނެ އެވެ.
ދިރާގާ އަލަށް ގުޅޭ ކަސްޓަމަރުންނަށް ވެސް "ދިރާގް ބިގް ބައިޑް ގިފްޓް" ލިބޭނެ ކަމަށް އެ ކުންފުނިން ބުންޏެވެ.