އަންނަ ޖޫން މަހުގެ ތެރޭގައި ޔޫރޯ 2016 ގެ މެޗެއް ބަލަލާން ފްރާންސަށް ދެވޭ ފުރުސަތަކާ އެކު ކޮކާ ކޯލާ އިން ހާއްސަ ޕްރޮމޯޝަނެއް ފަށައިފި އެވެ.
މިއަދުން ފެށިގެން އަންނަ މަހުގެ 29 ވަނަ ދުވަހާ ހަމަައަށް ކުރިއަށް ގެންދާ ޕްރޮމޯޝަނުގެ އިތުރު އިނާމްތަކުގެ ތެރޭގައި 32 އިންޗީގެ އެލްއީޑީ ޓީވީއަކާއި ޔޫރޯ 2016 ކުޅޭ އޮރިޖިނަލް ފުޓްބޯޅައެއް ވެސް ދޭން ވަނީ ނިންމައިފަ އެވެ.
މި ޕްރޮމޯޝަންގައި ބައިވެރިވާން "ވޮޗް ޔޫއެފާ ޔޫރޯ 2016 ލައިވް" ފުޅީގެ މަތިގަނޑު ދަށުގައި އިންނަ ހަ ޑިޖިޓްގެ ކޯޑު 2626 ފޮނުވަން ޖެހެ އެވެ. މި ކޯކް ފުޅިތައް ބާޒާރަށް ނެރެފައި ވަނީ މިމަހުގެ 10 ވަނަ ދުވަހު ކޮކާ ކޯލާ އިން ބުންޏެވެ.
މި ޕްރޮމޯޝަންގައި ކޮންމެ ހަފްތާއަކު ތިން ނަސީބުވެރިން ހޮވާ އިރު ކޮންމެސް އެއް ނަސީބުވެރިއަކަށް އިތުރު މީހަކާ އެކު ފްރާންސަށް ޔޫރޯ މެޗެއް ބަލާލަން ދިއުމަށް ފުރުސަތު ދޭނެ އެވެ.
ކޮކާ ކޯލާ އިން ބުނީ ޕްރޮމޯޝަނުން ފްރާންސަށް ދާން ހޮވޭ ނަސީބުވެރިންނަށް ފުރުސަތު ދޭނީ ޖޫން މަހުގެ 26 ވަނަ ދުވަހު އޮންނަ ޔޫރޯގެ 38 ވަނަ މެޗް ބަލާލަން ކަމަށެވެ.
އަދި މެޗް ކުރިއަށްދާ ވަގުތު ދަނޑުގައި ތިބެގެން މެޗު ބަލައިލުމުގެ އިތުރުން ފްރާންސްގެ މުހިއްމު ތަންތަނަށް ޒިޔާރަތް ކުރާ ގޮތަށް ވެސް ހަމަޖެހިފަ އެވެ.
މި ޕްރޮމޯޝަމުގައި ކޮންމެ ހަފްތާއެއްގެ ހޮނިހިރު ދުވަހު ގުރުއަތު ނެގުން އޮންނަ އިރު މިއަދު ވަނީ މި ޕްރޮމޯޝަންގެ ފުރަތަމަ ނަސީބުވެރިން ހޮވައިފަ އެވެ.
ކޮކާ ކޯލާ އިން ވަނީ 2014 ވަނަ އަހަރު ކުރިއަށް ގެންދިޔަ ހާއްސަ ޕްރޮމޯޝަނެއްގައި ބްރެޒިލަށް ގޮސް ވޯލްޑް ކަޕްގެ މެޗެއް ބަލައިލުމުގެ ފުރުސަތު ތިން ފަރާތަކަށް ދީފަ އެވެ.