އަންނަ ރޯދަ މަހު ޕަބްލިކް ސާވިސް މީޑިއާ (ޕީއެސްއެމް) އިން ބާއްވާ "ކުޑަކުދިންގެ ޤުރުއާން ކިޔެވުމުގެ މުބާރާތު" ގެ އޮޑިޝަން މި ފަހަރު އައްޑޫގައި ވެސް ބާއްވާ ގޮތަށް ނިންމައިފި އެވެ.
ޕީއެސްއެމުން ބުނީ އައްޑޫގައި ބާއްވާ އޮޑިޝަން އޮންނާނީ އަންނަ މަހުގެ ތެރޭގައި ހިތަދޫގައި ކަމަށެވެ. އެހެން ނަމަވެސް އޮޑިޝަން ބާއްވާނެ ތާރީހެއް އަދި ނުނިންމަ އެވެ.
އައްޑޫގެ އިތުރުން މާލެ އާއި ހދ. ކުޅުދުއްފުށި، ރ. އުނގޫފާރު އަދި ލ. ފޮނަދޫގައި ވެސް އޮޑިޝަން ބާއްވަން ވަނީ ހަމަޖައްސައިފަ އެވެ.
އޮޑިޝަނުން ޖުމްލަ 700 ދަރިވަރުންނަށް ފުރުސަތު ދޭން ނިންމާފައިވާ ކަމަށް ޕީއެސްއެމުން ބުންޏެވެ.
މުބާރާތް ބާއްވާ ތިން ފުރާތަކަކީ 5 އަހަރާއި 7 އަހަރާ ދެމެދު އަދި 10 އަހަރާއި 13 އަހަރާ ދެމެދު އެވެ.
މުބާރާތުގެ މާލޭ އޮޑިޝަން ބާއްވަން ހަމަޖެހިފައި ވަނީ މި މަހުގެ 28 އިން އަންނަ މަހުގެ 1 އަށެވެ.