ބޭސް ފަރުވާ އަށް ސިންގަޕޫރަށް ވަޑައިގެންނެވި ކުރީގެ ޑިފެންސް މިނިސްޓަރު ކާނަލް މުހައްމަދު ނާޒިލް ފަރުވާ ފުރިހަމަ ނުވަނީސް މިއަދު ރާއްޖެ ވަޑައިގެންފި އެވެ.
ފަރުވާއަށް ވަޑައިގެން ހުންނަވަނިކޮށް 48 ގަޑި އިރުގެ ތެރޭގައި އެނބުރި ރާއްޖެ ވަޑައިގަތުމަށް ކަރެކްޝަންސް އިން އެންގުމާ ގުޅިގެން އޭނާ މާލެ ވަޑައިގެންނެވީ މިއަދު މެންދުރުގެ ވަގުތެއްގަ އެވެ.
ނާޒިމްގެ އާއިލާ އިން ބުނީ ނާޒިމްގެ ލޮލުގެ ފަރުވާ ރާއްޖޭން ކުރެވެން ނެތުމުން ޑޮކްޓަރުންގެ ލަފާގެ މަތިން ރާއްޖޭން ބޭރުން ބޭސް ފަރުވާ ކުރުމަށް އެތައް ވަރަކުން އާދޭސްކޮށްގެން ފޮނުވުމަށް ފަހު، އެނބުރި އައުމަށް އެންގީ ފަރުވާގެ ކަންކަން ނުނިމެނީސް ކަމަށެވެ.
އެހެންވެ އެކަމާ ކަންބޮޑުވާ ކަމަށް އާއިލާ އިން ބުންޏެވެ.
ނާޒިމަކީ ހަނގުރާމަވެރި ހަތިޔާރު ގެންގުޅުނު ކަމުގެ ކުށް ސާބިތުވެ 11 އަހަރަށް ޖަލަށް ލާފައިވާ ބޭފުޅެކެވެ.